നിത അംബാനിയും മുകേഷ് അംബാനിയും ഐപിഎല്‍ ടീമായ മുംബൈ ഇന്ത്യന്‍സിന്റെ 100 ശതമാനം ഓഹരിയും സ്വന്തമാക്കി കഴിഞ്ഞു. 2008ല്‍ ടീമിനെ വാങ്ങാന്‍ ദശലക്ഷക്കണക്കിന് ഡോളര്‍ ചെലവഴിച്ചു. ഏഝ റിപ്പോര്‍ട്ടുകള്‍ പ്രകാരം, മുകേഷ് അംബാനി ടീമിനെ സ്വന്തമാക്കാന്‍ 916 കോടി രൂപയാണ് ചെലവഴിച്ചത്.
ഏറ്റവും വിജയകരമായ ഐപിഎല്‍ ടീമും അതോടൊപ്പം ഉയര്‍ന്ന ബ്രാന്‍ഡ് നിലനിര്‍ത്തിക്കൊണ്ട് ധാരാളം സ്‌പോണ്‍സര്‍മാരെ നേടിയ ടീമും കൂടിയാണ് മുംബൈ ഇന്ത്യന്‍സ്.
മുകേഷ് അംബാനിയുടെ കമ്പനിയായ റിലയന്‍സ് ആണ് മുംബൈ ഇന്ത്യന്‍സിന്റെ ഏക ഉടമ, അത് ഇതുവരെ ഏറ്റവും ലാഭകരമായ ഐപിഎല്‍ ടീമാണ്. ദി ട്രിബ്യൂണ്‍ പറയുന്നതനുസരിച്ച്, മുംബൈ ഇന്ത്യന്‍സിന് 10,070 കോടിയിലധികം ബ്രാന്‍ഡ് മൂല്യമുണ്ട്, കഴിഞ്ഞ വര്‍ഷം മുതല്‍ ഏകദേശം 200 കോടി യുടെ നേട്ടം കൈവരിച്ചിട്ടുണ്ട്.
ഇതുകൂടാതെ,നിതയും മുകേഷ് അംബാനിയും ടിക്കറ്റ് നിരക്കുകള്‍, മാധ്യമ സ്‌പോണ്‍സര്‍ഷിപ്പുകള്‍, പരസ്യങ്ങള്‍ എന്നിവയിലൂടെ ധാരാളം സമ്പാദിക്കുന്നുണ്ട്. കൂടാതെ, അംബാനി കുടുംബത്തിന്റെ മറ്റൊരു പ്രധാന വരുമാന മാര്‍ഗ്ഗം ജിയോ സിനിമയ്ക്ക് വിറ്റ ഐപിഎല്‍ അവകാശമായിരുന്നു.
ഡിസ്‌നി + ഹോട്ട്സ്റ്റാറില്‍ നിന്ന് ഐപിഎല്‍ ഫ്രാഞ്ചൈസി നീക്കം ചെയ്യുകയും റിലയന്‍സിന്റെ ബ്രാന്‍ഡായ വയാകോം 18, ജിയോ സിനിമയുടെ ഐപിഎല്‍ ടെലികാസ്റ്റിംഗ് അവകാശം 22,290 കോടി രൂപയ്ക്ക് വാങ്ങുകയും ചെയ്തു. എന്നിരുന്നാലും, ഐപിഎല്‍ ഹോസ്റ്റിംഗിലൂടെ ജിയോ സിനിമ 23,000 കോടി രൂപയുടെ വരുമാനം നേടി, അടുത്ത കുറച്ച് വര്‍ഷങ്ങളിലും ആയിരക്കണക്കിന് കോടികള്‍ നേടുമെന്നാണ് റിപ്പോര്‍ട്ടുകള്‍.