ആറ് മാസത്തിനിടയിലെ രാജ്യത്ത് ഏറ്റവും ഉയര്‍ന്ന കോവിഡ് കേസുകള്‍; മരണത്തിലും കേസുകളിലും കേരളം മുന്നില്‍

കോവിഡ് വ്യാപിക്കുന്നതിനിടെ കേരളം കേസുകളുടെ എണ്ണം പരസ്യമാക്കുന്നില്ലെന്ന ആക്ഷേപവും ഉയര്‍ന്നിട്ടുണ്ട്. കണക്കുകള്‍ വെളിപ്പെടുത്താന്‍ തങ്ങള്‍ക്ക് അനുവാദമില്ലെന്നാണ് ജില്ലാ ആരോഗ്യവിഭാഗം ഉദ്യോഗസ്ഥര്‍ പറയുന്നത്. അതതുദിവസം കണക്കുകള്‍ ഡയറക്ടറേറ്റിലേക്ക് നല്‍കാനാണ് നിര്‍ദേശമെന്നും ഇവര്‍ പറയുന്നു. മാധ്യമങ്ങള്‍ കണക്കുകള്‍ക്കായി വിളിക്കുമ്പോള്‍ തങ്ങളുടെ ചുമതലയല്ലെന്നുപറഞ്ഞ് ഉത്തരവാദപ്പെട്ടവര്‍ കൈയൊഴിയുകയാണ്.