ലോസ് ആഞ്ജലിസ്: കവര്ച്ചയ്ക്കിടെ രക്ഷപ്പെടാന് ശ്രമിച്ച സ്ത്രീയെ കാറിടിച്ചുവീഴ്ത്തി കൊള്ളയടിച്ചവർക്കായുള്ള തിരച്ചിലിലാണ് അമേരിക്കയിലെ ലോസ് ആഞ്ജലിസ് പോലീസ്. ഞെട്ടിക്കുന്ന സംഭവത്തിന്റെ വീഡിയോ ദൃശ്യങ്ങള് പുറത്തുവിട്ടാണ് പോലീസ് അന്വേഷണം നടത്തുന്നത്.
തിരക്കേറിയ നഗരത്തില് ഒരു സ്ത്രീ ഓടി വരുന്നതും ഒരു കാറിന് നേരെ കൈവീശി സഹായം അഭ്യര്ഥിക്കുന്നതും ദൃശ്യങ്ങളില് കാണാം. പിന്തുടര്ന്നുവന്ന ഒരു കാര് ഇവരെ ഇടിച്ചുവീഴ്ത്തുന്നു. കാറിടിച്ച് റോഡില് വീണ ഇവരുടെ കയ്യിലുണ്ടായിരുന്ന വാച്ച് കാറിലെത്തിയവര് അപഹരിക്കുന്നതും ദൃശ്യങ്ങളിലുണ്ട്. കഴിഞ്ഞ ആഴ്ചയയിരുന്നു സംഭവം.