ന്യൂഡല്ഹി: 2019ല് മാത്രം ഇന്ത്യയില് 93 രാജ്യദ്രോഹക്കേസുകള് ചുമത്തിയതായി കേന്ദ്ര ആഭ്യന്തര സഹമന്ത്രി ജി കിഷന് റെഡ്ഡി രാജ്യസഭയില് പറഞ്ഞു. ഇതില് 96 പേരെ അറസ്റ്റ് ചെയ്തിട്ടുണ്ട്. 76 പേര്ക്കെതിരെ കുറ്റപത്രം സമര്പ്പിച്ചു. 29 പേരെയാണ് വിവിധ കോടതികള് കുറ്റവിമുക്തരാക്കിയത്. ഐപിസിയുടെ സെക്ഷന് 124 എ(രാജ്യദ്രോഹ നിയമം) ചുമത്തപ്പെടുന്നവരുടെ എണ്ണം ക്രമാതീതമായി വര്ധിക്കുകയാണ്. 2014ല് 47, 2015-30, 2016-35, 2017-51, 2018-70 എന്നിങ്ങനെയാണ് രാജ്യത്ത് രാജ്യദ്രോഹക്കേസുകള് ചുമത്തിയിരുന്നത്.