31 നിയമസഭ മണ്ഡലങ്ങളിൽ ശ്രദ്ധ കേന്ദ്രീകരിക്കാൻ യൂത്ത് ലീഗിന് മുസ്ലീംലീഗിന്‍റെ നിർദ്ദേശം. കഴിഞ്ഞ തവണ ലീഗ് മത്സരിച്ച 24 മണ്ഡലങ്ങൾക്ക് പുറമേ 7 മണ്ഡലങ്ങളിൽ കൂടി ലിസ്റ്റിലുണ്ട്. പാണക്കാട് മുനവ്വറലി തങ്ങളുടെ നേതൃത്വത്തിലുള്ള പ്രത്യേക സംഘം 31 മണ്ഡലങ്ങളിലുമെത്തി നേതാക്കളെയും പ്രവർത്തകരെയും കാണും.
2016ൽ മുസ്ലിംലീഗ് വിജയിച്ച 18 മണ്ഡലങ്ങൾ.ഒപ്പം പരാജയപ്പെട്ട കൊടുവള്ളിയും തിരുവമ്പാടിയും ബാലുശ്ശേരിയും താനൂരും ഗുരുവായൂരും പുനലൂരും പുറമേ ലീഗ് ഇത്തവണ മത്സരിക്കുമെന്ന് കരുതുന്ന തളിപ്പറമ്പ്, കണ്ണൂർ, കൂത്തുപറമ്പ്, ബേപ്പൂർ, കുന്ദമംഗലം, പട്ടാമ്പി, പൂഞ്ഞാർ മണ്ഡലങ്ങളിൽ കൂടി സജീവമായി ഇടപെടാനാണ് മുസ്ലീംലീഗിന്‍റെ നിർദ്ദേശം.
ഇതോടെ ഫെയ്സ് ടു ഫെയ്സ് എന്നപേരിൽ ഫെബ്രുവരി 1 മുതൽ 14 വരെ സംസ്ഥാന പ്രസിഡന്‍റ് മുനവ്വറലി തങ്ങളുടെ നേതൃത്വത്തിലുള്ള പ്രത്യേക സംഘം ഈ മണ്ഡലങ്ങളിലെത്തും.