കോഴിക്കോട്: (www.mediavisionnews.in) കുന്ദമംഗലത്തിനടുത്ത് മുറിയനാലില്‍ ബെൻസ് വർക്ക്ഷോപ്പിൽ വന്‍തീപ്പിടിത്തം. എട്ട് ബെൻസ് കാറുകൾ പൂർണമായും നാല് കാറുകൾ ഭാഗികമായും കത്തി നശിച്ചു. ഷോപ്പിനകത്തെ യന്ത്രങ്ങളും മറ്റു സാധന സാമഗ്രികളും കത്തി നശിച്ചിട്ടുണ്ട്.
കോഴിക്കോട് സ്വദേശി ജോബി എന്നയാളുടെ ഉടമസ്ഥതയിലുള്ള എമിറേറ്റ്സ് മോട്ടോഴ്സ് എന്ന മെക്കാനിക്കല്‍ ഷോപ്പിനാണ് ഇന്നു പുലര്‍ച്ചെ 5.45ഓടെ തീപിടിച്ചത്. തീ പിടിച്ചത് നാട്ടുകാൾ കണ്ട് പൊലീസിനെ അറിയിക്കുകയായിരുന്നു.
തീ പിടിത്തത്തിന് കാരണം ഷോര്‍ട്ട് സര്‍ക്യൂട്ടാണെന്നാണ് പ്രാഥമിക നിഗമനം. വെള്ളിമാടുകുന്ന് അഗ്നി രക്ഷാ സേനയിൽ നിന്ന് മൂന്ന് യൂണിറ്റും, നരിക്കുനിയിൽ നിന്ന് രണ്ട് യൂണിറ്റും എത്തിയാണ് തീയണച്ചത്. കുന്ദമംഗലാ പൊലീസും സ്ഥലത്തെത്തി.
മീഡിയവിഷൻ ന്യൂസ്‌ ടെലഗ്രാമില്‍ ലഭിക്കുവാന്‍ ഇവിടെ ക്ലിക്ക് ചെയ്യുക