ലിയോയിലെ പശ്ചാത്തല സംഗീതത്തെ ചൊല്ലി സംഗീത സംവിധായകൻ അനിരുദ്ധ് രവിചന്ദറിനെതിരെ കോപ്പിയടി ആരോപണം ശക്തമാവുകയാണ്. ലിയോയിലെ ‘ഓര്‍ഡിനറി പേഴ്സണ്‍’ എന്ന ട്രാക്കാണ് ആരോപണവിധേയമായിരിക്കുന്നത്. ഇത് പ്രശസ്ത ബ്രിട്ടീഷ് ടെലിവിഷന്‍ സിരീസ് ആയ പീക്കി ബ്ലൈന്‍ഡേഴ്സിലെ ഒരു ട്രാക്കിന്‍റെ പകര്‍പ്പാണെന്നാണ് ആരോപണം.
ബെലറൂസിയന്‍ സംഗീതജ്ഞനായ ഓട്നിക്ക എന്ന് അറിയപ്പെടുന്ന അലക്സേ സ്റ്റാനുലേവിച്ചും ആര്‍ടെ മിഖായേന്‍കിന്നും ചേർന്നാണ് പീക്കി ബ്ലൈൻഡേഴ്സിലെ ട്രാക്ക് ഒരുക്കിയത്. ഓട്നിക്കയുടെ ‘വേർ ആർ യു’ എന്ന പാട്ട് കോപ്പിയടിച്ചാണ് അനിരുദ്ധ് ‘ഓർഡിനറി പേഴ്സൺ’ ഒരുക്കിയതെന്ന ആരോപണമാണ് വിവാദമാകുന്നത്. ഓട്നിക്കയെ മെൻഷൻ ചെയ്ത് നിരവധി പേർ കോപ്പിയടിയെക്കുറിച്ച് സോഷ്യൽ മീഡിയയിൽ പോസ്റ്റുകളിടുകയും ചെയ്തിരുന്നു. ഇപ്പോഴിതാ കോപ്പിയടി ആരോപണത്തിൽ പ്രതികരണവുമായെത്തിയിരിക്കുകയാണ് ഓട്നിക്ക.