ദേശീയപാതകള്‍ പൊതുവേ വാഹനപ്രേമികളുടെ ഇഷ്ടയിടമാണ്. മികച്ച നിര്‍മാണ നിലവാരവും ഏറെ ദൂരം കാഴ്ചയെത്തുമെന്നതുമൊക്കെയാണ് കാരണം. എന്നാല്‍ എക്‌സ്പ്രസ് വേയില്‍ അമിതവേഗം കാരണം ഉണ്ടാകുന്ന അപകടങ്ങൾ മൂലം വലിയ പ്രതിസന്ധിയാണ് പൊലീസ് ഉദ്യോഗസ്ഥര്‍ നേരിടുന്നത്.
സമീപകാലത്ത് ഇത്തരത്തില്‍ കുപ്രസിദ്ധി നേടിയ പാതയാണ് ബെംഗളൂരു – മൈസൂരു എക്‌സ്പ്രസ് വേ. അമിതവേഗം ഇവിടെ ഉണ്ടാക്കുന്ന പ്രതിസന്ധിക്ക് പുതിയ പരിഹാരമാര്‍ഗം സ്വീകരിക്കാന്‍ ഒരുങ്ങുകയാണ് കര്‍ണാടക പൊലീസ്.