കോഴിക്കോട്: ഖത്തര്‍ ലോകകപ്പില്‍ നിന്ന് പുറത്തായെങ്കിലും അവസാന മത്സരത്തില്‍ ലോക വമ്പന്‍മാരായ ബ്രസീലിനെ അട്ടിമറിച്ചതിന്റെ ആഘോഷത്തിലാണ് കാമറൂണ്‍. ഇഞ്ചുറി ടൈമില്‍ ഹെഡറിലൂടെ ബ്രസീലിന്റെ ഗോള്‍വല കുലുക്കിയ കാമറൂണ്‍ നായകന്‍ വിന്‍സെന്റ് അബൂബക്കറാണ് ഇപ്പോള്‍ ഫുട്‌ബോള്‍ ചര്‍ച്ചാവേദികളിലെ താരം. ഇതിനിടെ വിന്‍സെന്റ് അബൂബക്കര്‍ സൂപ്പര്‍ സ്റ്റുഡിയോ മലപ്പുറത്തിനടക്കം കേരളത്തിലെ ക്ലബ്ബുകളില്‍ കളിച്ചിരുന്നുവെന്ന പ്രചാരണമാണ് സാമൂഹിക മാധ്യമങ്ങളിലൂടെ ഒരു വിഭാഗം നടത്തുന്നത്.