വിമാനമിറങ്ങി ബന്ധുക്കള്‍ക്കൊപ്പം പോകുന്നതിനിടെ പോലീസിന്റെ ‘എന്‍ട്രി’; ഒളിപ്പിച്ചത് ഒരുകിലോ സ്വര്‍ണം

ചൊവ്വാഴ്ച വൈകിട്ട് 6.30-ന് ഷാര്‍ജയില്‍നിന്നുള്ള എയര്‍ഇന്ത്യ എക്‌സ്പ്രസ് വിമാനത്തിലാണ് താഹിര്‍ കരിപ്പൂരിലെത്തിയത്. കസ്റ്റംസ് പരിശോധന കഴിഞ്ഞിറങ്ങിയ ഇയാള്‍ പോലീസിന്റെ നിരീക്ഷണത്തിലായിരുന്നു. തുടര്‍ന്ന് ബന്ധുക്കള്‍ക്കൊപ്പം കാറില്‍ കയറി പുറത്തേക്ക് പോകുന്നതിനിടെ പോലീസ് സംഘം യുവാവിനെ കസ്റ്റഡിയിലെടുത്തു.

ചോദ്യംചെയ്യലില്‍ തന്റെ കൈയില്‍ സ്വര്‍ണമില്ലെന്നായിരുന്നു താഹിറിന്റെ മറുപടി. ലഗേജുകളടക്കം പരിശോധിച്ചെങ്കിലും സ്വര്‍ണം കണ്ടെത്താനായില്ല. ആശുപത്രിയില്‍ നടത്തിയ എക്‌സറേ പരിശോധനയിലാണ് ശരീരത്തിനുള്ളില്‍ ക്യാപ്‌സ്യൂളുകളാക്കി ഒളിപ്പിച്ച സ്വര്‍ണം കണ്ടെത്തിയത്.