യു എ ഇ : യുഎഇയുടെ ചില ഭാഗങ്ങളിൽ വെള്ളിയാഴ്ച ശക്തമായ പൊടിക്കാറ്റും മഴയും അനുഭവപ്പെട്ടതായി പ്രാദേശിക കാലാവസ്ഥാ വകുപ്പ് അറിയിച്ചു. എക്സ്പോ സ്ട്രീറ്റിന് സമീപം ദുബായിയുടെ തെക്കൻ ഭാഗത്ത് ശക്തമായ പൊടിക്കാറ്റ് വീശുന്നതിന്‍റെ വീഡിയോയും എൻസിഎംഎസ് പോസ്റ്റ് ചെയ്തിട്ടുണ്ട്. എമിറേറ്റിന്‍റെ മറ്റ് ഭാഗങ്ങളും പൊടിപടലങ്ങളാൽ മൂടപ്പെടുകയും ദേശീയ കാലാവസ്ഥാ നിരീക്ഷണ കേന്ദ്രം മഴ മുന്നറിയിപ്പ് നൽകുകയും ചെയ്തിരുന്നു.
ഇടിമിന്നലിന് സാധ്യതയുള്ളതിനാൽ രാജ്യത്തിന്‍റെ കിഴക്കൻ, വടക്കൻ മേഖലകളിൽ ജാഗ്രത പാലിക്കാൻ അതോറിറ്റി അഭ്യർത്ഥിച്ചു. ഉയർന്ന കാറ്റിന്‍റെ വേഗത കാരണം അയഞ്ഞ വസ്തുക്കളും മരങ്ങളും അപകടകരമാണ്. റോഡിൽ വാഹനമോടിക്കുന്നവർ ജാഗ്രത പാലിക്കണം. പുറത്തുപോകുമ്പോഴെല്ലാം വായും മുഖവും മൂടാനും താമസക്കാർക്ക് നിർദ്ദേശം നൽകിയിട്ടുണ്ട്.