മംഗലാപുരത്ത് 40 വർഷം പഴക്കമുള്ള ക്രിസ്ത്യൻ ദേവാലയം ജെ.സി.ബി ഉപയോഗിച്ച് തകർത്ത സംഭവത്തിൽ രണ്ടുപേരെ കർണാടക പൊലീസ് അറസ്റ്റ് ചെയ്തു. സംഘ്പരിവാർ പ്രവർത്തകരായ ലതീഷ് (25), ധനഞ്ജയ് (36) എന്നിവരാണ് അറസ്റ്റിലായത്. ഉരൻഡാഡി ഗുഡ്ഡെ – പഞ്ചിമൊഗാരുവിലെ സെന്റ് ആന്റണി ഹോളി ക്രോസ് സെന്റർ ഫെബ്രുവരി 10-നാണ് ശ്രീ സത്യ കൊർഡബ്ബു സേവാ സമിതി എന്ന ഹിന്ദുത്വ സംഘടനയുടെ പ്രവർത്തകർ തകർത്തത്.
Two persons arrested for demolishing a 40 year old #church near Kavoor police station limits, #Mangaluru dist. Latheesh and Dhananjay have been arrested after protest by #Christian community.They-using JCB bull dozed the church.The reason for their action is under investigation. pic.twitter.com/MqrwezlvPt
— Imran Khan (@KeypadGuerilla) February 21, 2022
കാത്തലിക് പ്രാർത്ഥനാലയം, അംഗനവാടി, അശരണാലയം എന്നിവയടങ്ങുന്ന സെന്റർ അനധികൃതമായി നിർമിച്ചതാണെന്ന് സംഘ് പരിവാർ സംഘടനകൾ ആരോപിച്ചിരുന്നു. ഇതുസംബന്ധിച്ചുള്ള കേസിൽ കോടതി വാദംകേൾക്കാനിരിക്കെയായിരുന്നു അതിക്രമം. വിധിപറയുന്നതു വരെ സെന്ററിന്റെ പരിസരത്ത് പ്രവേശിക്കരുതെന്ന് മംഗളുരു സിവിൽ കോടതിയുടെ ഉത്തരവുണ്ടായിരുന്നെങ്കിലും ഇത് ലംഘിച്ചുകൊണ്ടാണ് രാവിലെ 11 മണിക്ക് ഹിന്ദുത്വപ്രവർത്തകർ ജെ.സി.ബിയുമായെത്തിയത്.