ഇനി മുഖം തിരിച്ചറിയാനാകില്ല, ഫേഷ്യൽ റിക്കോഗ്നിഷ്യൻ സിസ്റ്റം നിർത്തലാക്കുന്നതായി അറിയിച്ച് ഫേസ്ബുക്ക്

മുഖം തിരിച്ചറിയൽ സംവിധാനത്തിന്റെ അപകട സാധ്യതകൾ മുന്നിൽ കണ്ടാണ് ഫേസ്ബുക്ക് ഇത്തരമൊരു നീക്കം നടത്തുന്നത്. ഈ സാങ്കേതിക വിദ്യയുടെ മേൽ സമൂഹത്തിന് ആശങ്കയുണ്ടെന്നും ഇതിന്റെ ഉപയോഗത്തെ സംബന്ധിച്ച നിയമനിർമാണ പ്രക്രിയകൾ നടന്നുവരികയാണെന്നും അതുകൊണ്ടുതന്നെ ഈ സംവിധാനത്തെ പറ്റി പുനർചിന്തിക്കേണ്ടത് അനിവാര്യമായിരുന്നു എന്നും ഫേസ്ബുക്ക് കൂട്ടിച്ചേർത്തു. ലോക്ക് ചെയ്‌ത അക്കൗണ്ടിലേക്ക് പ്രവേശിക്കുന്നതിനും സാമ്പത്തിക ഉൽപ്പന്നങ്ങളിൽ ഐഡന്റിറ്റി പരിശോധിക്കുന്നതിനും വ്യക്തിഗത ഉപകരണങ്ങൾ അൺലോക്ക് ചെയ്യുന്നതിനും ഈ സംവിധാനം സഹായിക്കുമെന്നതിനാൽ ഇവ ശ്രദ്ധയോടെ കൈകാര്യം ചെയ്യേണ്ടതുണ്ടെന്നും ഫേസ്ബുക്ക് തങ്ങളുടെ പ്രസ്ഥാവനയിൽ അറിയിച്ചു.