Wednesday, October 27, 2021

ഖത്തർ യാത്രാ പോളിസിയിൽ മാറ്റം; വിസിറ്റ്​ വിസയിൽ കുട്ടികൾക്കും യത്രാനുമതി

Must Read

ദോഹ: ഇന്ത്യ ഉ​ൾപ്പെടെ എക്​സപ്​ഷണൽ റെഡ്​ ലിസ്​റ്റ്​ രാജ്യങ്ങളിൽ നിന്നുള്ള യാത്രക്കാരുടെ നിബന്ധനകളിൽ മാറ്റം വരുത്തി ഖത്തർ. ആരോഗ്യ മന്ത്രാലയം അംഗീകരിച്ച വാക്​സിൻ സ്വീകരിച്ചവർക്കെല്ലാം ഇനി രണ്ടു ദിവസ ക്വാറൻറീൻ മതിയെന്ന്​ മന്ത്രാലയം വ്യക്​തമാക്കി.

വിസിറ്റ്​ വിസയിൽ കുട്ടികൾക്കും യാത്രാനുമതി നൽകിയതാണ്​ ഏറ്റവും സുപ്രധാന പരമായ തീരുമാനും. ഇതു പ്രകാരം വാക്​സിൻ സ്വീകരിക്കാത്ത 12ന്​ വയസ്സിനു താഴെയുള്ള കുട്ടികൾക്ക്​ കോവിഡ്​ കുത്തിവെപ്പ്​ സ്വീകരിച്ച മാതാപിതാക്കൾക്കൊപ്പം ഖത്തറിലെത്താം. രണ്ടു ദിവസമാണ്​ ഇവർക്ക്​ ക്വാറൻറീൻ നിർദേശിച്ചത്​. അതേസമയം, 12 വയസ്സിന്​ മുകളിലുള്ളവർ വാക്​സിനേറ്റഡ്​ അല്ലെങ്കിൽ വിസിറ്റ്​ വിസയിൽ രാജ്യത്തേക്ക്​ പ്രവേശനം അനുവദിക്കില്ല.

ഒക്​ടോബർ ആറ്​ ബുധനാഴ്​ച ഉച്ച രണ്ടു മണി മുതൽ മാറ്റം പ്രാബല്ല്യത്തിൽ വരുമെന്ന്​ അധികൃതർ അറിയിച്ചു. ഇന്ത്യയിൽ നിന്നുള്ള അംഗീകൃത വാക്​സിൻ സ്വീകരിച്ചവർക്കും​ ഇനി രണ്ടു ദിവസം ക്വാറൻറീൻ മതിയാവും. ഇവർ, ഖത്തറിലെത്തി 36 മണിക്കൂറിനുള്ളിൽ പി.സി.ആർ ടെസ്​റ്റും, ആൻറി ബോഡി ടെസ്​റ്റും പൂർത്തിയാക്കിയിരിക്കണം. അതേസമയം, ഖത്തറിൽ നിന്ന്​ വാക്​സിൻ എടുത്തവർക്ക്​ ആർ.ടി.പി.സി.ആർ ടെസ്​റ്റ്​ മാത്രം മതിയാവും. 12 വയസ്സിന്​ താഴെയുള്ള കുട്ടികൾക്ക്​ കൂടെയുള്ള രക്ഷിതാക്കൾ വാക്​സിനേറ്റഡ്​ ആണെങ്കിൽ മാത്രമേ പ്രവേശനം അനുവദിക്കൂ.

റെസിഡൻറ്​ വിസയിലുള്ള വാക്​സിൻ സ്വീകരിക്കാത്ത യാത്രക്കാർക്കും പ്രവേശന അനുമതി നൽകാൻ തീരുമാനമായി. എന്നാൽ, ഏഴു ദിവസം ഹോട്ടൽ ക്വാറൻറീൻ നിർബന്ധമാണ്​. ആറാം ദിവസത്തെ പി.സി.ആർ പരിശോധനാ ഫലം നെഗറ്റീവായാൽ ഏഴാം ദിനം പുറത്തിറങ്ങാൻ അനുവാദം നൽകും.

ആഗസ്​റ്റ്​ രണ്ടിന്​ പ്രാബല്ല്യത്തിൽ വന്ന യാത്രാ നയത്തിലാണ്​ ഇപ്പോൾ മാറ്റം വരുത്തിയത്​. നേരത്തെ ഖത്തറിൽ നിന്ന്​ വാക്​സിൻ സ്വീകരിച്ചവർക്ക്​ രണ്ടു ദിവസവും, പുറത്തു നിന്ന്​ വാക്​സിൻ സ്വീകരിച്ചവർക്ക്​ 10 ദിവസവുമായിരുന്നു ക്വാറൻറീൻ. ഫാമിലി വിസിറ്റ്​ വിസയിൽ കുട്ടികൾക്ക്​ പ്രവേശന അനുമതിയുമുണ്ടായിരുന്നില്ല.

ഇന്ത്യ, ​ഫിലിപ്പിൻസ്​, നേപ്പാൾ, ബംഗ്ലാദേശ്​, ശ്രീലങ്ക, പാകിസ്​താൻ, ഇന്തോനേഷ്യ, കെനിയ, സുഡാൻ എന്നീ രാജ്യങ്ങളാണ്​ എക്​സപ്​ഷണൽ റെഡ്​ ലിസ്​റ്റിൽ ഉള്ളത്​.​

LEAVE A REPLY

Please enter your comment!
Please enter your name here

Latest News

“ഇന്ധനവില ഇതെങ്ങോട്ട് ? പെട്രോൾ, ഡീസൽ വില ഇന്നും കൂട്ടി”

ഇന്ധന വില വീണ്ടും കൂട്ടി. സംസ്ഥാനത്ത് പെട്രോളിന് 35 പൈസയും ഡീസലിന് 37 പൈസയും കൂടി. ഇതോടെ തിരുവനന്തപുരത്ത് പെട്രോളിന് 110.11 രൂപയും ഡീസലിന് 102.86...

More Articles Like This