Saturday, September 18, 2021

വാരിയന്‍കുന്നന്‍ താലിബാനെന്ന പരാമര്‍ശം; എ.പി. അബ്ദുള്ളക്കുട്ടിക്കെതിരെ അന്വേഷണത്തിന് ഉത്തരവ്

Must Read

തിരൂരാങ്ങാടി: വാരിയന്‍കുന്നത്ത് കുഞ്ഞഹമ്മദ് ഹാജി ലോകത്തിലെ ആദ്യത്തെ താലിബാന്‍ ആണെന്ന പ്രസ്താവനയിറക്കിയ ബി.ജെ.പി ദേശീയ ഉപാധ്യക്ഷന്‍ എ.പി. അബ്ദുള്ളക്കുട്ടിക്കെതിരെ അന്വേഷണത്തിന് ഉത്തരവ്.

മലപ്പുറം എസ്.പി സുജിത്ത് ദാസ് ആണ് അന്വേഷണത്തിന് ഉത്തരവിട്ടത്. തിരൂരങ്ങാടി മണ്ഡലം മുസ്‌ലിം യൂത്ത് ലീഗ് ജനറല്‍ സെക്രട്ടറി യു.എ. റസാഖിന്റെ പരാതിയിലാണ് നടപടി.

മലപ്പുറം സ്പെഷ്യല്‍ ബ്രാഞ്ച് ഡി.വൈ.എസ്.പിക്കാണ് അന്വേഷണച്ചുമതല. കഴിഞ്ഞ ദിവസമാണ് എ.പി അബ്ദുള്ളക്കുട്ടി വാരിയംകുന്നനെതിരെ വിവാദപരാമര്‍ശം നടത്തിയത്.

കണ്ണൂരില്‍ യുവമോര്‍ച്ചയുടെ പരിപാടിയിലായിരുന്നു ലോകത്തിലെ ആദ്യ താലിബാന്‍ നേതാവാണ് വാരിയന്‍കുന്നനെന്ന് അബ്ദുള്ളക്കുട്ടി പറഞ്ഞത്. വാരിയംകുന്നനെ മഹത്വവല്‍കരിക്കുന്ന സി.പി.ഐ.എം നിലപാട് ചരിത്രപരമായ വിഡ്ഢിത്തമാണ്. ക്രൂരമായ വംശഹത്യയാണ് അന്ന് നടന്നതെന്നും അബ്ദുള്ളക്കുട്ടി പറഞ്ഞിരുന്നു.

‘മാപ്പിള ലഹള സ്വാതന്ത്ര്യ സമരമല്ല, ഹിന്ദു വേട്ടയായിരുന്നു,’ എന്നും അബ്ദുള്ളക്കുട്ടി പറഞ്ഞിരുന്നു.

LEAVE A REPLY

Please enter your comment!
Please enter your name here

Latest News

കേരളപ്പിറവി ദിനത്തിൽ സ്‌കൂളുകള്‍ തുറക്കും; നവംബ‍ർ 15 മുതൽ എല്ലാ ക്ലാസുകളും തുടങ്ങും

തിരുവനന്തപുരം: നവംബര്‍ ഒന്നു മുതല്‍ സ്‌കൂളുകള്‍ തുറക്കാന്‍ കോവിഡ് അവലോകന യോഗത്തില്‍ തീരുമാനം. ഒന്നു മുതല്‍ ഏഴ് വരെയുള്ള പ്രൈമറി ക്ലാസ്സുകളും 10, 12 ക്ലാസ്സുകളും...

More Articles Like This