Saturday, September 25, 2021

വിവാഹ വാർഷികത്തിൽ ഭർത്താവിനൊപ്പം യാത്ര, ശരീരത്തിൽ കാർ കയറിയിറങ്ങി ഭാര്യ മരിച്ചു

Must Read

തിരുവനന്തപുരം: വിവാഹ വാർഷിക ദിനത്തിൽ ഭർത്താവുമായി സഞ്ചരിക്കുകയായിരുന്ന യുവതി ബൈക്കപകടത്തിൽ മരിച്ചു. നൊമ്പരമായി ഫേസ്‌ബുക്ക് പോസ്റ്റ്. മംഗലപുരം വാലിക്കോണം വെയിലൂർ ചീനി വിള തൊടിയിൽ വീട്ടിൽ രാഹുലിന്റ ഭാര്യ അർച്ചന (26) ആണ് മരിച്ചത്. വെള്ളിയാഴ്ച രാവിലെയോടെ പൗഡിക്കോണം റോഡിൽ തേരിവിള ജംഗ്ഷനു സമീപമായിരുന്നു അപകടം.

ഭർത്താവ് രാഹുലുമായി ബൈക്കിൽ ഒരു വിവാഹ ചടങ്ങിൽ പങ്കെടുക്കാൻ പോകുന്നതിനിടെ എതിരെ അമിതവേഗതയിൽ വന്ന കാറിൽ ബൈക്ക് ഇടിക്കാതിരിക്കാൻ ബ്രെക്ക് നൽകി നിർത്താൻ ശ്രമിക്കുന്നതിനിടെ തെറിച്ചു വീണ അർച്ചനയുടെ ശരീരത്തുകൂടി കാർ കയറി ഇറങ്ങുകയായിരുന്നു.

ഗുരുതരമായി പരിക്കേറ്റ അർച്ചനയെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചെങ്കിലും ചികിത്സയിലിരിക്കെ മരണപ്പെടുകയായിരുന്നു. മൂന്ന് വയസുകാരൻ ഋതു രാജ് മകനാണ്. സംസ്കാരം ശനിയാഴ്ച വീട്ടുവളപ്പിൽ. വിവാഹ വാർഷിക ദിനമായ ഇന്നലെ രാഹുലും ആർചനയും തങ്ങളുടെ ഫേസ്‌ബുക്കിൽ ഇതിന്റെ പോസ്റ്റ് ഇട്ടിരുന്നു. മണിക്കൂറുകൾ കഴിഞ്ഞാണ് അപകടം നടക്കുന്നത്. ഇതിന്റെ നടുക്കത്തിലാണ് ബന്ധുക്കളും സുഹൃത്തുക്കളും.

LEAVE A REPLY

Please enter your comment!
Please enter your name here

Latest News

കൂടുതൽ ഇളവുകൾ പ്രഖ്യാപിച്ചേക്കും; കോവിഡ് അവലോകനയോ​ഗം ഇന്ന്

കേരളത്തിൽ ഇന്ന് വൈകുന്നേരം ചേരുന്ന കോവിഡ് അവലോകനയോ​ഗത്തിൽ കൂടുതൽ ഇളവുകൾ പ്രഖ്യാപിച്ചേക്കും. മുഖ്യമന്ത്രിയുടെ അധ്യക്ഷതയിൽ വൈകുന്നേരം ചേരുന്ന യോ​ഗത്തിൽ സുപ്രധാന തീരുമാനങ്ങൾ ഉണ്ടാവുമെന്നാണ് സൂചന. ഹോട്ടലുകളിൽ ഇരുന്ന...

More Articles Like This