Saturday, September 18, 2021

യുഎഇയിലേക്കുള്ള നിയന്ത്രണം അവസാനിക്കുന്നു; വീസ കഴിഞ്ഞവർക്കും പ്രതീക്ഷ

Must Read

യുഎഇയിലേക്ക് പ്രവേശിക്കുന്നതിന് ഇന്ത്യക്കാർക്ക് നിലവിലുള്ള എല്ലാ നിയന്ത്രണങ്ങളും ഈ മാസം അവസാനത്തോടെ ഒഴിവാക്കുമെന്ന് പ്രതീക്ഷിക്കുന്നതായി ദുബായ് ഇന്ത്യൻ കോൺസൽ ജനറൽ. വീസ കാലാവധി കഴിഞ്ഞവർക്കും മാനുഷികപരിഗണനയുടെ പേരിൽ പ്രവേശനാനുമതി നൽകുമെന്നാണ് പ്രതീക്ഷയെന്നും കോൺസൽ ജനറൽ അമൻ പുരി പറഞ്ഞു.

വാക്സീൻ സ്വീകരിക്കാത്തവരടക്കം എല്ലാ റസിഡൻസ് വീസക്കാർക്കും ദുബായിലേക്ക് പ്രവേശനാനുമതിയുണ്ട്. എന്നാൽ, യുഎഇയിൽ നിന്ന് വാക്സീൻ സ്വീകരിച്ചവർക്ക് മാത്രമാണ് അബുദാബി, ഷാർജ, റാസൽഖൈമ വിമാനത്താവളങ്ങളിലേക്ക് പ്രവേശനാനുമതി. ഈ നിയന്ത്രണമുള്ളതിനാൽ ദുബായ് ഒഴികെയുള്ള എമിറേറ്റുകളിലെ വീസക്കാർ ഇന്ത്യയിൽ നിന്ന് വാക്സീൻ സ്വീകരിച്ചിട്ടുണ്ടെങ്കിലും മടങ്ങാനാകാത്ത സാഹചര്യമാണുള്ളത്. ഈ പശ്ചാത്തലത്തിലാണ് എല്ലാ നിയന്ത്രണങ്ങളും ഈ മാസാവ സാനത്തോടെ ഒഴിവാക്കുമെന്ന് പ്രതീക്ഷിക്കുന്നതായി ദുബായ് ഇന്ത്യൻ കോൺസൽ ജനറൽ അറിയിച്ചത്.

ആറു മാസത്തിലധികം നാട്ടിൽ കഴിയുന്നവർക്കും വീസ കാലാവധി കഴിഞ്ഞവർക്കും ദുബായ് ഒഴികെ മറ്റ് എമിറേറ്റുകളിലേക്ക് മടങ്ങുന്നതിന് തടസമുണ്ട്. ഇക്കാര്യത്തിലും യുഎഇ സർക്കാരിൻറെ അനുഭാവപൂർണമായ സമീപനം പ്രതീക്ഷിക്കുന്നു. ഒക്ടോബർ ഒന്നിന് ദുബായ് എക്സ്പോ തുടങ്ങാനിരിക്കെ സന്ദർശകവീസയിലുള്ളവർക്കും പ്രവേശനം അനുവദിക്കുമെന്നത് ജോലി തേടുന്നവർക്കടക്കം സഹായകരമാകുമെന്നാണ് പ്രതീക്ഷ.

LEAVE A REPLY

Please enter your comment!
Please enter your name here

Latest News

ഹോട്ടലിൽ ഇരുന്ന് കഴിക്കാറായിട്ടില്ല, ബാറും തീയറ്ററും അടഞ്ഞ് കിടക്കും; WIPR മാനദണ്ഡം എട്ടിൽ നിന്ന് പത്താക്കി

തിരുവനന്തപുരം: സംസ്ഥാനത്ത് ഡബ്ല്‌യു.ഐ.പി.ആർ മാനദണ്ഡത്തിൽ മാറ്റം. ഒരു വാർഡിലെ ആകെ ജനസംഖ്യയിൽ എത്രപേർ രോ​ഗികളാകുന്നുവെന്ന് കണക്കാക്കുന്ന ഡബ്ല്‌യു.ഐ.പി.ആർ എട്ടിൽ നിന്ന് 10 ആക്കി. ഇതിന്റെ അടിസ്ഥാനത്തിൽ കൂടുതൽ...

More Articles Like This