Saturday, September 25, 2021

‘കാറില്‍ ഹെല്‍മറ്റ് ധരിച്ചില്ല’ 500 രൂപ പിഴ; വാഹനം റോഡിലിറക്കിയിട്ട് തന്നെ ദിവസങ്ങളായെന്ന് ഉടമസ്ഥന്‍

Must Read

മലപ്പുറം കാവനൂരില്‍ വീട്ടിൽ നിർത്തിയിട്ടിരുന്ന കാറിന് തിരുവനന്തപുരം റൂറൽ പോലീസ് ട്രാഫിക് വിഭാഗത്തിൻറെ പിഴ. വാഹന ഉടമയായ റമനിഷ് പൊറ്റശേരിയുടെ പേരിൽ നെടുമങ്ങാട് രജിസ്റ്റേഷനുള്ള പഴയ മോഡൽ ഐ20 കാറിനാണ് 500 രൂപ പിഴയിട്ടു കൊണ്ടുള്ള ചലാൻ നോട്ടീസ് ലഭിച്ചത്.

കാറിൽ ഹെൽമറ്റ് ധരിച്ചില്ല എന്ന വിചിത്രമായ കാരണം കാണിച്ചാണ് 500 രൂപ പിഴയായി അടക്കാൻ മൊബൈൽ ഫോണിൽ സന്ദേശം എത്തിയത്. കഴിഞ്ഞദിവസം മൊബൈലിൽ മെസ്സേജുകൾ കൂടിയതിനെ തുടർന്ന് ഡിലീറ്റ് ആക്കുന്നതിനിടയിലാണ് ഇത്തരത്തിൽ ഒരു മെസ്സേജ് ശ്രദ്ധയിൽപ്പെട്ടത്.

തുടർന്ന് ട്രാഫിക് പോലീസിൽ ജോലിചെയ്യുന്ന ഉദ്യോഗസ്ഥനോട് സംഭവവുമായി വിവരങ്ങൾ അന്വേഷിച്ചപ്പോഴാണ് 500 രൂപ പിഴയടക്കാൻ ഉണ്ടെന്ന് കണ്ടെത്തിയത്.

അതേസമയം ദിവസങ്ങളായി കാർ തന്റെ കാവനൂരിലെ വീടിന്റെ മുറ്റത്തെ കിടക്കുകയാണെന്നും നിരത്തിലേക്ക് ഇറക്കിയിട്ടില്ലെന്നുമാണ് ഉടമസ്ഥനായ റമനിഷിന്റെ പ്രതികരണം. പെരിന്തൽമണ്ണയിലെ ഒരു സ്ഥാപനത്തിൽ ജോലി ചെയ്യുന്ന റമനീഷ് താന്‍ ഈ ദിവസങ്ങളില്‍ ബൈക്കിലാണ് യാത്ര ചെയ്തതെന്നും വ്യക്തമാക്കുന്നു. ഈ പശ്ചാത്തലത്തില്‍ പൊലീസിൽ പരാതി നൽകാൻ ഒരുങ്ങുകയാണ് യുവാവ്.

ഒരുപക്ഷേ വാഹനത്തിൻറെ നമ്പർ മാറിയതാ, ഇതേ നമ്പറിലുള്ള മറ്റൊരു വാഹനം നിയമലംഘനം നടത്തിയതോ ആകാമെന്നും യുവാവ് സംശയിക്കുന്നു.

LEAVE A REPLY

Please enter your comment!
Please enter your name here

Latest News

കൂടുതൽ ഇളവുകൾ പ്രഖ്യാപിച്ചേക്കും; കോവിഡ് അവലോകനയോ​ഗം ഇന്ന്

കേരളത്തിൽ ഇന്ന് വൈകുന്നേരം ചേരുന്ന കോവിഡ് അവലോകനയോ​ഗത്തിൽ കൂടുതൽ ഇളവുകൾ പ്രഖ്യാപിച്ചേക്കും. മുഖ്യമന്ത്രിയുടെ അധ്യക്ഷതയിൽ വൈകുന്നേരം ചേരുന്ന യോ​ഗത്തിൽ സുപ്രധാന തീരുമാനങ്ങൾ ഉണ്ടാവുമെന്നാണ് സൂചന. ഹോട്ടലുകളിൽ ഇരുന്ന...

More Articles Like This