Saturday, September 18, 2021

ഇന്ത്യയില്‍ നിന്നുള്ള സന്ദര്‍ശക വിസക്കാര്‍ക്ക് ഷാര്‍ജയിലേക്കും റാസ്സല്‍ഖൈമയിലേക്കും യാത്രചെയ്യാം

Must Read

ദുബായ്: ഇന്ത്യയില്‍ നിന്നുള്ള സന്ദര്‍ശക വിസക്കാര്‍ക്കും എല്ലാത്തരം എന്‍ട്രി പെര്‍മിറ്റുള്ളവര്‍ക്കും ഷാര്‍ജയിലേക്കും റാസ്സല്‍ഖൈമയിലേക്കും യാത്രചെയ്യാമെന്ന് വിവിധ വിമാന കമ്പനികള്‍ അറിയിച്ചു.

യുഎഇ അടുത്തിടെ അനുവദിച്ച താമസ- തൊഴില്‍- സന്ദര്‍ശക വിസകള്‍ ഉള്ളവര്‍ക്കാണ് ഷാര്‍ജ, റാസ്സല്‍ഖൈമ വിമാനത്താവളം വഴി യുഎഇയിലെത്താന്‍ കഴിയുക.

എയര്‍ അറേബ്യയും എയര്‍ ഇന്ത്യ എക്സ്പ്രസ്സുമാണ് ഇക്കാര്യം അറിയിച്ചത്. യാത്രക്കാര്‍ ലോകാരോഗ്യ സംഘടന അംഗീകരിച്ച കൊവിഡ് വാക്സിനുകളിലൊന്നിന്റെ രണ്ട് ഡോസും എടുത്തിരിക്കണം. രണ്ടാം ഡോസ് എടുത്ത് 14 ദിവസം കഴിഞ്ഞിരിക്കണം.

ദുബായ് താമസവിസക്കാര്‍ ജിഡിആര്‍എഫ്എയില്‍ നിന്ന് റിട്ടേണ്‍ പെര്‍മിറ്റ് വാങ്ങിയിരിക്കണം. മറ്റ് എമിറേറ്റുകാര്‍ ഐസിഎ അനുമതിയും നേടിയിരിക്കണം. സന്ദര്‍ശക വിസക്കാര്‍ ഐസിഎ പോര്‍ട്ടലില്‍ രജിസ്റ്റര്‍ അറൈവലില്‍ വിവരങ്ങള്‍ രേഖപെടുത്തണം. വാക്സിനേഷന്‍ സര്‍ട്ടിഫിക്കറ്റ് അപ്ലോഡ് ചെയ്യണം. 12 വയസ്സില്‍ താഴെയുള്ള കുട്ടികള്‍ക്ക് 48 മണിക്കൂര്‍ മുമ്പുള്ള പിസിആര്‍ പരിശോധനയോ വിമാനത്താവളത്തില്‍വെച്ചുള്ള റാപ്പിഡ് പിസിആര്‍ പരിശോധനയോ ആവശ്യമില്ല.

സന്ദര്‍ശക വിസയില്‍ ദുബായിലെത്താന്‍ ഐസിഎ ജിഡിആര്‍എഫ്എ അനുമതി ആവശ്യമില്ലെന്ന് എമിറേറ്റ്സ് എയര്‍ലൈന്‍ വ്യക്തമാക്കി. ദുബായിലെത്താന്‍ കൊവിഡ് വാക്സിനേഷന്‍ സര്‍ട്ടിഫിക്കറ്റും നിര്‍ബന്ധമല്ല.

LEAVE A REPLY

Please enter your comment!
Please enter your name here

Latest News

ഹോട്ടലിൽ ഇരുന്ന് കഴിക്കാറായിട്ടില്ല, ബാറും തീയറ്ററും അടഞ്ഞ് കിടക്കും; WIPR മാനദണ്ഡം എട്ടിൽ നിന്ന് പത്താക്കി

തിരുവനന്തപുരം: സംസ്ഥാനത്ത് ഡബ്ല്‌യു.ഐ.പി.ആർ മാനദണ്ഡത്തിൽ മാറ്റം. ഒരു വാർഡിലെ ആകെ ജനസംഖ്യയിൽ എത്രപേർ രോ​ഗികളാകുന്നുവെന്ന് കണക്കാക്കുന്ന ഡബ്ല്‌യു.ഐ.പി.ആർ എട്ടിൽ നിന്ന് 10 ആക്കി. ഇതിന്റെ അടിസ്ഥാനത്തിൽ കൂടുതൽ...

More Articles Like This