Wednesday, July 28, 2021

കാലൊടിഞ്ഞു, ശരീരത്തില്‍ ബ്ലെയ്ഡ്‌കൊണ്ടുള്ള മുറിവ്; തട്ടിക്കൊണ്ടുപോയ പ്രവാസിയെ കണ്ടെത്തി

Must Read

കോഴിക്കോട്:  കഴിഞ്ഞ ദിവസം ഒരു സംഘം ആളുകള്‍ തോക്കുചൂണ്ടി തട്ടികൊണ്ടുപോയ പ്രവാസിയെ പരിക്കുകളോടെ കണ്ടെത്തി. കോഴിക്കോട് കൊയിലാണ്ടി ഊരള്ളൂര്‍ സ്വദേശി അഷ്‌റഫിനെയാണ് അജ്ഞാത സംഘം തട്ടിക്കൊണ്ടുപോയത്.

ബുധനാഴ്ച പുലര്‍ച്ചെ ഒരു മണിയോടെ  മാവൂരിന് അടുത്തുള്ള ഒരു തടിമില്ലിന് സമീപത്തുനിന്നാണ് അഷ്‌റഫിനെ കണ്ടെത്തിയത്.  പ്രദേശവാസികളാണ് ആദ്യം കണ്ടത്. ഇവര്‍ അറിയിച്ചതിനെ തുടര്‍ന്ന് പോലീസ് എത്തി കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിക്കുകയായിരുന്നു. അഷ്‌റഫിന്റെ ഒരു കാല്‍ ഒടിഞ്ഞ നിലയിലാണ്. ബ്ലെയ്ഡ് ഉപയോഗിച്ച് അഷ്‌റഫിന്റെ ശരീരത്തില്‍ മുറിവുകളേല്‍പ്പിച്ചിട്ടുണ്ട്.

സ്വര്‍ണക്കടത്ത് സംഘമാണ് സംഭവത്തിന് പിന്നിലെന്നാണ് സൂചന. ക്യാരിയറായി പ്രവര്‍ത്തിക്കുകയായിരുന്നു അഷ്‌റഫ്. അഞ്ച് പേരടങ്ങുന്ന സംഘം  ചൊവ്വാഴ്ച പുലര്‍ച്ചയോടെ വീട്ടിലെത്തി തോക്കുചൂണ്ടി  വീട്ടുകാരെ  ഭീഷണിപ്പെടുത്തി അഷ്‌റഫിനെ തട്ടികൊണ്ടുപോകുകയായിരുന്നു.

സംഭവത്തില്‍ പോലീസ് വിശദമായ അന്വേഷണം ആരംഭിച്ചിട്ടുണ്ട്.

LEAVE A REPLY

Please enter your comment!
Please enter your name here

Latest News

ഓഗസ്റ്റ് 9 മുതൽ എല്ലാ കടകളും തുറക്കും, പൊലീസ് നടപടിയുണ്ടായാല്‍ മരണം വരെ നിരാഹാരം: വ്യാപാരി വ്യവസായി ഏകോപന സമിതി

അടുത്ത മാസം 9 മുതൽ എല്ലാ കടകളും തുറക്കുമെന്ന് വ്യാപാരി വ്യവസായി ഏകോപനസമിതി. ഓഗസ്റ്റ് 2 മുതൽ 6 വരെ സെക്രട്ടേറിയേറ്റിന് മുന്നിൽ ധർണ നടത്തും....

More Articles Like This