ന്യൂഡല്‍ഹി: ഈ വര്‍ഷം ജൂലൈ ഒന്ന് മുതല്‍ ഡ്രൈവിങ് ലൈസന്‍സ്, ബിസിനസ്, നികുതി എന്നിവയുമായി ബന്ധപ്പെട്ട് ചില സുപ്രധാന മാറ്റങ്ങള്‍ നടപ്പില്‍ വരാന്‍ പോകുകയാണ്. അടിസ്ഥാന ബാങ്ക് നിക്ഷേപങ്ങള്‍ക്കുള്ള സര്‍വീസ് ചാര്‍ജ് സ്റ്റേറ്റ് ബാങ്ക് ഓഫ് ഇന്ത്യ മാറ്റാന്‍ പോകുന്നതാണ് അതില്‍ ഒന്ന്. എല്‍.പി.ജി സിലിണ്ടര്‍ വിലയിലും മാറ്റം വരാന്‍ പോകുകയാണ്. ജൂലൈ ഒന്ന് മുതല്‍ എന്തെല്ലാം മാറ്റങ്ങളാണ് നടപ്പില്‍ വരാന്‍ പോകുന്നതെന്ന് നോക്കാം.
എസ്.ബി.ഐ സര്‍വീസ് ചാര്‍ജില്‍ മാറ്റം
സ്റ്റേറ്റ് ബാങ്ക് ഓഫ് ഇന്ത്യയുടെ (എസ്.ബി.ഐ) ബേസിക് സേവിങ്സ് അക്കൗണ്ടിലെ (ബി.എസ്.ബി.ഡി) പുതിയ സേവനനിരക്കുകള്‍ ജൂലൈ ഒന്നു മുതല്‍ നിലവില്‍ വരും. എ.ടി.എമ്മില്‍ നിന്ന് പണം പിന്‍വലിക്കല്‍, ചെക്ക്ബുക്, പണം കൈമാറ്റം, നോണ്‍ ഫിനാന്‍ഷ്യല്‍ ട്രാന്‍സ്ഫറുകള്‍ തുടങ്ങിയവക്കാണ് പുതിയ നിരക്കു വരുന്നത്.
സ്വന്തം ബ്രാഞ്ചില്‍ നിന്നോ എ.ടി.എമ്മില്‍നിന്നോ ഒരു മാസം പരമാവധി നാലുതവണ പണം സൗജന്യമായി പിന്‍വലിക്കാം. അതിനു മുകളിലുള്ള ഓരോ പിന്‍വലിക്കലിനും 15 രൂപ ജി.എസ്.ടി ഈടാക്കും. സൗജന്യ പരിധിക്കു ശേഷം മറ്റു ബാങ്കുകളുടെ എ.ടി.എമ്മില്‍നിന്നുള്ള പിന്‍വലിക്കലിനും 15 രൂപ നികുതി ഈടാക്കും.
ഒരു സാമ്ബത്തിക വര്‍ഷം 10 ചെക്ക്ലീഫുകള്‍ സൗജന്യമായി ലഭിക്കും. അതിനുശേഷം 10 ലീഫ് ഉള്ള ചെക്ക്ബുക്കിന് 40 രൂപ നികുതിയും ഈടാക്കും. 25 ലീഫുള്ളതിന് 75 രൂപയും നികുതിയും 10 ലീഫുള്ള അടിയന്തര ചെക്ബുക്കിന് 50 രൂപയും നികുതിയും ഈടാക്കും. മുതിര്‍ന്ന പൗരന്മാരെ ചെക്ക്ബുക്കിനുള്ള പുതിയ നിരക്കില്‍നിന്ന് ഒഴിവാക്കി. എസ്.ബി.ഐ ബ്രാഞ്ചിലും മറ്റു ബാങ്കുകളുടെ ബ്രാഞ്ചിലും ബേസിക് സേവിങ്സ് അക്കൗണ്ട് ഉടമക്ക് പണേതര ഇടപാട് സൗജന്യമാണ്.
ഡ്രൈവിങ് ലൈസന്‍സ് വീട്ടില്‍ നിന്ന്
ലേണിങ് ലൈസന്‍സ് നേടാന്‍ ഇനി റീജ്യനല്‍ ട്രാന്‍സ്പോര്‍ട്ട് ഓഫീസ് സന്ദര്‍ശിക്കേണ്ടതില്ല. ജൂലൈ 1 മുതല്‍ ഇത്തരം മാറ്റങ്ങള്‍ക്ക് രാജ്യത്ത് തുടക്കമിടുകയാണ്. ആര്‍..ടി‌ഒക്ക് മുന്നിലെ പരിശോധന കൂടാതെ തന്നെ ലൈസന്‍സ് ലഭിക്കുന്ന രീതിയാണ് വരാന്‍ പോകുന്നത്.
ഓണ്‍ലൈന്‍ പരിശോധനക്കുമാത്രം വിധേയരായി ലൈസന്‍സ് നേടുക എന്ന പരിഷ്കരണമാണ് കേന്ദ്രം നടപ്പാക്കാന്‍ ഒരുങ്ങുന്നത്. ഇതിന് ആധുനികമായ ഡ്രൈവിങ് പരിശീലന കേന്ദ്രങ്ങള്‍ ആരംഭിക്കണമെന്നും കേന്ദ്ര റോഡ് ഹൈവേ ഗതാഗത മന്ത്രാലയം പറയുന്നു. ഡ്രൈവിങ് പരിശീലന കേന്ദ്രങ്ങളില്‍ അപേക്ഷകരുടെ ഓണ്‍ലൈന്‍ ടെസ്റ്റുകള്‍ക്കായി സിമുലേറ്ററുകളും ടെസ്റ്റിങ് ട്രാക്കുകളും ഉണ്ടായിരിക്കണം.
ഓണ്‍ലൈന്‍ ഡ്രൈവിങ് പരിശോധന ലൈസന്‍സ് നല്‍കല്‍ പ്രക്രിയയില്‍ കാര്യക്ഷമതയും സുതാര്യതയും കൊണ്ടുവരുമെന്നാണ് പ്രതീക്ഷിക്കപ്പെടുന്നത്
എല്‍.പി.ജി വിലയില്‍ മാറ്റം
ലിക്വിഫൈഡ് പെട്രോളിയം ഗ്യാസിെന്‍റ (എല്‍.പി.ജി) അല്ലെങ്കില്‍ പാചകവാതകത്തിെന്‍റ വില രണ്ടാഴ്ച കുടുേമ്ബാള്‍ പുതുക്കി നിശ്ചയിക്കാറുണ്ട്. വിപണിയിലെ ഏറ്റക്കുറച്ചിലുകള്‍, ആവശ്യകത, വിതരണ ഇടവേള എന്നിവ അനുസരിച്ച്‌ എണ്ണ കമ്ബനികള്‍ വില പരിഷ്കരിക്കുന്നു.
വിവാദ് സേ വിശ്വാസ് ആഗസ്റ്റ് 31 വരെ
വിവാദ് സേ വിശ്വാസ് പദ്ധതി പ്രകാരം പലിശ കൂടാതെ നികുതിയടക്കാനുള്ള കാലാവധി കേന്ദ്ര സര്‍ക്കാര്‍ ദീര്‍ഘിപ്പിച്ചു. ജൂണ്‍ 30 മുതല്‍ ആഗസ്റ്റ് 31 വരെ പണമടക്കം.