Friday, July 30, 2021

ടിപിയുടെ ഫോണ്‍ നമ്പര്‍ വീണ്ടും ശബ്ദിക്കുന്നു, എംഎല്‍എയുടെ ഔദ്യോഗിക നമ്പറാക്കി കെ കെ രമ

Must Read

വടകര: ടി പി ചന്ദ്രശേഖരൻ ഉപയോ​ഗിച്ചിരുന്ന ഫോൺ നമ്പർ കെ കെ രമ എംഎൽഎയുടെ ഔദ്യോ​ഗിക ഫോൺ നമ്പറായി. ടി പിയുടെ 9447933040 എന്ന നമ്പർ എംഎൽഎയുടെ ഔദ്യോഗിക നമ്പറാവുന്ന കാര്യം ഫെയ്സ്ബുക്ക് ലൈവിലൂടെയാണ് രമ പങ്കുവെച്ചത്. ഇതോടെ 9 വർഷങ്ങൾക്ക് ശേഷം വീണ്ടും ടിപിയുടെ ഫോൺ നമ്പര്‍ റിങ് ചെയ്തു തുടങ്ങി.

0496 2512020 എന്ന ഓഫിസ് നമ്പറിന് പുറമെയാണ് ടിപിയുടെ ഈ നമ്പരും കൂടി ഓഫിസ് ഉപയോഗത്തിന് സജ്ജമാക്കിയത്. 2012 മേയ് നാലിന് ടിപി കൊല്ലപ്പെട്ടതിന് ശേഷം പിന്നീട് കുറേക്കാലം ഈ നമ്പർ രമയുടെ കൈവശമുണ്ടായിരുന്നു. ഉപയോഗിച്ചില്ലെങ്കിലും റീച്ചാർജ് ചെയ്ത് നിലനിർത്തി. എന്നാൽ ഇടയ്ക്ക് റീച്ചാർജ് ചെയ്യാതെ വന്നതോടെ നമ്പർ മറ്റൊരാൾക്ക് ബിഎസ്എൻഎൽ അനുവദിച്ചു. 2020ൽ ഈ നമ്പർ ആരും ഉപയോഗിക്കുന്നില്ലെന്ന് മനസ്സിലായതോടെ ഈ നമ്പറിനായി അപേക്ഷിച്ച് രമ ബിഎസ്എൻഎല്ലിനെ സമീപിച്ചു.

ഈ നമ്പർ എം.എൽ.എ.യുടെ ഔദ്യോഗിക ഫോണാക്കാമെന്ന ആശയം പങ്കുവെച്ചത് മകൻ അഭിനന്ദാണെന്ന് രമ പറഞ്ഞു.” ഈ നമ്പറിൽ ആരുവിളിച്ചാലും ഏതു പാതിരാത്രിയിലും ടിപിയെ കിട്ടുമായിരുന്നു. ഇതേ നമ്പർതന്നെ എംഎൽഎയുടെ ഔദ്യോഗിക നമ്പറാകുന്നതിൽ അഭിമാനമുണ്ട്. ഈ നമ്പറിൽ വിളിച്ചാൽ ടിപി വിളി കേൾക്കുമെന്ന് വിശ്വാസമുണ്ടെന്നും കെകെ രമ പറഞ്ഞു.

ഫെയ്സ്ബുക്ക് ലൈവിലൂടെ ടിപിയുടെ ഈ നമ്പർ പങ്കുവെച്ചതോടെ രമയ്ക്ക് കോളുകളുടെ പ്രവാഹമാണ്. ടിപിയെ അറിയുന്നവരും സുഹൃത്തുക്കളും പാർട്ടിപ്രവർത്തകരുമെല്ലാം ടിപിയുടെ പഴയ നമ്പറിലേക്ക് വിളിക്കുന്നു.

LEAVE A REPLY

Please enter your comment!
Please enter your name here

Latest News

പ്രതിമാസം ഒരു കോടി ഡോസ് വാക്സിന്‍ നല്‍കാന്‍ കേരളത്തിന് സാധിക്കും- മുഖ്യമന്ത്രി

തിരുവനന്തപുരം: പ്രതിമാസം ഒരു കോടി പേര്‍ക്ക് കൊവിഡ് വാക്‌സിന്‍ നല്‍കാന്‍ കേരളത്തിന് ശേഷിയുണ്ടെന്ന് മുഖ്യമന്ത്രി പിണറായി വിജയന്‍ പറഞ്ഞു. നാല് ലക്ഷം ഡോസ് വാക്‌സിന്‍ കഴിഞ്ഞ...

More Articles Like This