Wednesday, August 4, 2021

കൊക്കക്കോളയുടെ കഷ്​ടകാലം തുടരുന്നു; മാറ്റിവെച്ച്​ ഇറ്റലിയുടെ സൂപ്പർ താരവും, വിഡിയോ കാണാം

Must Read

റോം: ഏത്​ സമയത്താണാവോ യൂറോകപ്പിന്‍റെ സ്​പോൺസർഷിപ്പ്​ ഏറ്റെടുത്തതെന്ന്​ കൊക്കക്കോള ചിന്തിക്കുന്നുണ്ടാകും. പോർച്ചുഗീസ്​ ഇതിഹാസം ക്രിസ്റ്റ്യ​ാനോ റൊണാൾഡോ ​വാർത്ത സമ്മേളനത്തിനിടെ കൊ​ക്കക്കോള മാറ്റിവെച്ചതിന്‍റെ ക്ഷീണം മാറും മു​േമ്പ ദേ ​വരുന്നു.. അടുത്ത അടി!.

ഇറ്റലിയുടെ സൂപ്പർതാരം മാ​ന്വ​ൽ ലൊ​കാ​ടെ​ല്ലിയാണ്​ ഇക്കുറി പണി കൊടുത്തത്​. സ്വിറ്റ്​സർലൻഡുമായുള്ള മത്സരത്തിൽ ഇരട്ടഗോളുമായുള്ള മിന്നും പ്രകടനത്തിന്​ ശേഷം മാൻ ഓഫ്​ ദി മാച്ച്​ ഏറ്റുവാങ്ങാനെത്തിയപ്പോഴായിരുന്നു ലൊ​കാ​ടെ​ല്ലി കോള ബോട്ടിലുകൾ മാറ്റിവെച്ചത്​. സംഭവത്തിന്‍റെ വിഡിയോ സമൂഹമാധ്യമങ്ങളിൽ വൈറലായിട്ടുണ്ട്​.

റൊണോൾഡോ പാനീയം എടുത്തു മാറ്റിയതിന്​ പിന്നാലെ കോർപ്പറേറ്റ്​ ഭീമൻ കൊക്ക കോളക്ക്​ കോടികളുടെ നഷ്​ടം ഉണ്ടായിരുന്നു​. കമ്പനിയുടെ ഓഹരി വില 1.6 ശതമാനമാണ്​ ഇടിഞ്ഞത്​. കൊക്ക കോളയുടെ ആസ്​തി 342 ബില്യൺ ഡോളറിൽ നിന്ന്​ 338 ബില്യൺ ഡോളറായി കുറയുകയും ചെയ്​തു. നാല്​ ബില്യൺ ഡോളറി​െൻറ നഷ്​ടമാണ്​ കമ്പനിക്കുണ്ടായത്​.

യുറോ കപ്പ്​ വാർത്ത സമ്മേളനത്തിനായി എത്തിയ റൊണോൾഡോ ആദ്യം ചെയ്​തത്​ കൊക്ക കോള രണ്ട്​ കുപ്പിപാനീയം എടുത്തുമാറ്റുകയായിരുന്നു. മുന്നിൽ നിന്ന്​ ദൂരെ നിർത്തുക മാത്രമല്ല, കുപ്പിവെള്ളം എടുത്തുയർത്തി നീരസവും അമർഷവും ​സമം ചേർത്ത്​ ചുറ്റുംനിന്നവർക്ക്​ ഉപദേശം നൽകാനും റോണോ മറന്നില്ല: ”വെള്ളമാണ്​ കുടിക്കേണ്ടത്​”. പാതി മറഞ്ഞാണെങ്കിലും ഇതിന്‍റെ വിഡിയോ സമൂഹ മാധ്യമങ്ങളിൽ വൈറലായതോടെയാണ്​ കമ്പനിക്ക്​ തിരിച്ചടിയേറ്റത്​.

LEAVE A REPLY

Please enter your comment!
Please enter your name here

Latest News

ബിഗ് ടിക്കറ്റ് നറുക്കെടുപ്പില്‍ പ്രവാസി ഇന്ത്യക്കാരന് 30 കോടിയുടെ സമ്മാനം

"അബുദാബി: ബിഗ് ടിക്കറ്റിന്റെ 230-ാമത് സീരീസ് നറുക്കെടുപ്പില്‍ ഒന്നാം സമ്മാനമായ1.5 കോടി ദിര്‍ഹം (30 കോടി ഇന്ത്യന്‍ രൂപ) സ്വന്തമാക്കി പ്രവാസി ഇന്ത്യക്കാരന്‍. സനൂപ് സുനിലാണ്...

More Articles Like This