Wednesday, June 23, 2021

രാജ്യത്ത് വീഡിയോ കോൾ ആപ്പുകൾക്ക് നിയന്ത്രണം വന്നേക്കും; കേന്ദ്ര നീക്കം സജീവമെന്ന് റിപ്പോർട്ട്

Must Read

ന്യൂഡൽഹി: രാജ്യത്ത് വീഡിയോ കോൾ ആപ്പുകൾ‌ക്ക് നിയന്ത്രണം കൊണ്ടുവന്നേക്കാമെന്ന് റിപ്പോർട്ട്. കേന്ദ്ര സർക്കാർ ഇത് സംബന്ധിച്ച് നീക്കങ്ങൾ നടത്തുന്നതായിട്ടാണ് സൂചന. വിഷയത്തിൽ ഔദ്യോ​ഗിക സ്ഥിരീകരണമില്ല. നിലവിൽ സോഷ്യൽ മീഡിയയിൽ നടക്കുന്ന പരിഷ്കരണങ്ങളുമായി ബന്ധപ്പെട്ട് വീഡിയോ കോൾ ആപ്ലിക്കേഷൻ നിയന്ത്രണം കൂടെ പരി​ഗണിക്കാനാണ് സാധ്യത. അങ്ങനെ വന്നാൽ ഫേസ്ബുക്ക് മെസഞ്ചർ, ഇൻസ്റ്റാ​ഗ്രാം, വാട്സാപ്പ്, ബോട്ടിം, ഐഎംഒ, സ്കൈപ്പ് തുടങ്ങിയ നിരവധി ആപ്പുകൾക്ക് പിടിവീഴും. കേന്ദ്ര സർക്കാർ പരിഷ്കാരം അടുത്ത വർഷത്തോടെ നിലവിൽ വരുമെന്നും അഭ്യൂഹങ്ങളുണ്ട്.

വീഡിയോ കോൾ ആപ്പുകൾ രാജ്യത്ത് നിയന്ത്രണമില്ലാതെ പ്രവർത്തിക്കുന്നുവെന്നാണ് കേന്ദ്ര വിലയിരുത്തൽ. വീഡിയോ കോളിം​ഗ് ആപ്പുകൾ ഏതെങ്കിലും നിയമത്തിന്റെ അടിസ്ഥാനത്തിലല്ല നിലവിൽ പ്രവർത്തിക്കുന്നത്. ഐടി ആക്ട് പരിഷ്കരിക്കുന്നതിനൊപ്പം ഇക്കാര്യം പരി​ഗണിക്കും. ആദ്യഘട്ടത്തിൽ ലൈസൻസില്ലാതെ പ്രവർത്തിക്കുന്ന ആപ്പുകളെ നിരോധിക്കാനാവും കേന്ദ്രം ശ്രമിക്കുക. ഇത് പിന്നീട് മറ്റു ആപ്ലിക്കേഷനുകളിലേക്കും നിയന്ത്രണം വ്യാപിപ്പിക്കും.

രാജ്യ സുരക്ഷ മുൻനിർത്തിയാണ് നിയന്ത്രണങ്ങളെല്ലാം എന്നായിരിക്കും കേന്ദ്ര വിശദീകരണം. വിഷയത്തിൽ ഔദ്യോ​ഗിക സ്ഥിരീകരണങ്ങളില്ലാത്ത സ്ഥിതിക്ക് ഏത് തരത്തിലാവും നിയന്ത്രണങ്ങളെന്ന് വ്യക്തമല്ല. ഐടി നിയമം ഭേദ​ഗതി ചെയ്യുന്നതിനെ ചൊല്ലിയുള്ള വിവാദങ്ങൾ കെട്ടടങ്ങും മുൻപ് പുതിയ് നീക്കമുണ്ടാവില്ലെന്നും സൂചനയുണ്ട്.

LEAVE A REPLY

Please enter your comment!
Please enter your name here

Latest News

തൊട്ടിലില്‍ ഉറക്കിക്കിടത്തിയ കുഞ്ഞ് മുറ്റത്തിറങ്ങി; മീന്‍കുളത്തില്‍ വീണ് പിഞ്ചുകുഞ്ഞിന് ദാരുണാന്ത്യം

കൊല്ലം: മീന്‍ വളര്‍ത്താനായി വീട്ടു മുറ്റത്തുണ്ടാക്കിയ കുളത്തില്‍ വീണ് പിഞ്ചുകുഞ്ഞിന് ദാരുണാന്ത്യം. കൊല്ലം അഞ്ചലില്‍ പനച്ചവിള സ്വദേശിയായ വിഷ്ണുവിന്‍റെയും ശ്രുതിയുടെയും മകനായ ഒരു വയസുകാരന്‍ ശ്രേയേഷ്...

More Articles Like This