Friday, September 24, 2021

ജയ് ശ്രീറാം വിളിച്ചില്ല; ഹരിയാനയില്‍ മുസ്ലീം യുവാവിനെ ആള്‍ക്കൂട്ടം തല്ലിക്കൊന്നു

Must Read

ഹരിയാനയില്‍ ജയ്ശ്രീറാം വിളിക്കാത്തതിന്റെ പേരില്‍ മുസ്ലീം യുവാവിനെ ആള്‍ക്കൂട്ടം തല്ലിക്കൊന്നു. ഹരിയാനയിലെ മേവാത്ത് ഖലീല്‍പൂര്‍ സ്വദേശിയായ ജിം പരിശീലകന്‍ ആസിഫ് ഖാനെയാണ് ആള്‍ക്കൂട്ടം ക്രൂരമായി കൊലപ്പെടുത്തിയത്. സുഹൃത്തുക്കളോടൊപ്പം സോഹ്നയിലേക്ക് പുറപ്പെട്ട ആസിഫ് ഖാനെ ചില ഹിന്ദുത്വ മിലിറ്റന്റ് ഗ്രൂപ്പുകള്‍ വഴിയില്‍ തടഞ്ഞുനിര്‍ത്തുകയായിരുന്നുവെന്നാണ് നാട്ടുകാര്‍ മക്ദൂബ് മീഡിയയോട് പ്രതികരിച്ചത്.

‘മുസ്ലീങ്ങളെ കൊല്ലൂ’ എന്ന് ആക്രോശിച്ച സംഘം ഖാനേയും കൂട്ടരേയും കൊണ്ട് നിര്‍ബന്ധിച്ച് ജയ് ശ്രീ റാം വിളിപ്പിക്കുകയായിരുന്നു. സംഘം അക്രമാസക്തരാകാന്‍ തുടങ്ങിയപ്പോള്‍ ഖാന്റെ സുഹൃത്തുക്കള്‍ ഓടി രക്ഷപ്പെട്ടു. അക്രമികളുടെ കൈയ്യിലകപ്പെട്ടുപോയ ഖാനെ സംഘം തല്ലിക്കൊല്ലുകയായിരുന്നുവെന്നാണ് റിപ്പോര്‍ട്ട്.

അക്രമികള്‍ക്കെതിരെ കൊലക്കുറ്റത്തിന് കേസ് രജിസ്റ്റര്‍ ചെയ്‌തെങ്കിലും ഒരാളെ പോലും ഇതുവരെ പൊലീസ് അറസ്റ്റ് ചെയ്തിട്ടില്ലെന്ന് ഖാന്റെ കുടുംബം ആരോപിക്കുന്നു. അക്രമിസംഘത്തില്‍ 15 പേരോളം ഉണ്ടായിരുന്നെന്നാണ് അക്രമത്തില്‍ നിന്നും രക്ഷപ്പെട്ട വാസിഫ് എന്നയാള്‍ പറയുന്നത്. കല്ലും കമ്പും മറ്റ് മാരകായുധങ്ങളും ഇവരുടെ പക്കലുണ്ടായിരുന്നെന്നും ഇയാള്‍ പറഞ്ഞു. ഗുരുതര പരുക്കുകള്‍ സംഭവിച്ച വാസിഫിനെ ആശുപത്രിയില്‍ പ്രവേശിപ്പിച്ചിരിക്കുകയാണ്. ആസിഖ് ഖാന് നീതി വേണമെന്ന് ആവശ്യപ്പെട്ട് സോഷ്യല്‍ മീഡിയയിലൂടെ വ്യാപക ക്യാംപെയ്‌നുകള്‍ നടന്നുവരികയാണ്.’

LEAVE A REPLY

Please enter your comment!
Please enter your name here

Latest News

താലിബാൻ പതാക ഉപയോഗിച്ചാൽ ട്വന്റി20 ലോകകപ്പിൽ അഫ്ഗാനു വിലക്ക്: റിപ്പോർട്ട്

ന്യൂഡൽഹി∙ അഫ്ഗാനിസ്ഥാൻ ക്രിക്കറ്റ് ടീമിനെ ചുറ്റിപ്പറ്റിയുള്ള അനിശ്ചിതത്വങ്ങൾ വിട്ടൊഴിയുന്നില്ല. താലിബാൻ അധികാരം ഏറ്റെടുത്തതിനു ശേഷം അഫ്ഗാനിസ്ഥാൻ പുരുഷ ടീമിന്റെ ക്രിക്കറ്റ് മത്സരങ്ങൾക്ക് അംഗീകാരം നൽകിയിട്ടുണ്ടെങ്കിലും അഫ്ഗാനിസ്ഥാൻ...

More Articles Like This