മുംബൈ: മലയാളി താരം സഞ്ജു സാംസണ് ഇന്ന് ഐ.പി.എല്ലില്‍ ക്യാപ്റ്റന്‍ കുപ്പായത്തില്‍ അരങ്ങേറ്റം. സീസണില്‍ തങ്ങളുടെ ആദ്യ മത്സരത്തില്‍ സഞ്ജുവി‍െന്‍റ രാജസ്ഥാന്‍ റോയല്‍സിന് പഞ്ചാബ് കിങ്സാണ് എതിരാളി. സിനിമ താരങ്ങളായ പൃഥ്വിരാജ്, ടൊവിനോ തോമസ് അടക്കമുള്ളവര്‍ സഞ്ജുവിന് ആശംസകള്‍ നേര്‍ന്നു. വരാനിരിക്കുന്ന ട്വന്‍റി 20 ലോകകപ്പിനുള്ള ഇന്ത്യന്‍ ടീമില്‍ പരിഗണിക്കപ്പെടാന്‍ സഞ്ജുവിന് ഈ സീസണില്‍ മികച്ച പ്രകടനം പുറത്തെടുക്കേണ്ടത് അത്യാവശ്യമാണ്.
കഴിഞ്ഞ സീസണില്‍ നിരാശപ്പെടുത്തിയ രണ്ട് ടീമുകള്‍ പുതിയ റിക്രൂട്ട്മെന്‍റുകളുമായാണ് 14ാം സീസണിന് ഒരുങ്ങുന്നത്. സീസണിലെ ഏറ്റവും വിലപിടിപ്പുള്ള താരം ക്രിസ് മോറിസിനെ 16.25 കോടി നല്‍കി സ്വന്തമാക്കി. ലിയാം ലിവിങ്സ്റ്റണ്‍, മുസ്തഫിസുര്‍ റഹ്മാന്‍ തുടങ്ങിയ പുതിയ സെലക്ഷനൊപ്പം ബെന്‍സ്റ്റോക്സ്, ജോസ് ബട്ലര്‍, രാഹുല്‍ തെവാത്തിയ, ഡേവിഡ് മില്ലര്‍ എന്നിങ്ങനെ നീളുന്ന ബിഗ് ഹിറ്റര്‍മാരുടെ നിര.
മറുപക്ഷത്ത് െക.എല്‍. രാഹുലി‍െന്‍റ ടീമില്‍ ക്രിസ് ഗെയ്ല്‍, ഡേവിഡ് മലാന്‍, ജെ. റിച്ചാര്‍ഡ്സണ്‍, നികോളസ് പുരാന്‍, മോയ്സ് ഹെന്‍റിക്വസ്, ക്രിസ് ജോര്‍ഡന്‍ എന്നിവരും അണിനിരക്കുന്നു.