Friday, April 16, 2021

ഇന്ധന വിലവർധനക്കെതിരെ വേറിട്ട പ്രതിഷേധം; നടൻ വിജയ് വോട്ട് ചെയ്യാനെത്തിയത് സൈക്കിളിൽ (വിഡിയോ കാണാം)

Must Read

ചെന്നൈ: തമിഴ് നടന്‍ വിജയ് തെരഞ്ഞെടുപ്പില്‍ വോട്ട് ചെയ്യാന്‍ വന്നത് സൈക്കിളില്‍. ഇന്ധനവിലയില്‍ പ്രതിഷേധിച്ചാണ് സൈക്കിളിൽ വോട്ട് ചെയ്യാനെത്തിയതെന്ന് നടനോട് അടുത്ത വൃത്തങ്ങൾ സൂചിപ്പിക്കുന്നു. നീലാങ്കരിയിലെ വേൽസ് യൂണിവേഴ്‌സിറ്റി ബുത്തിലാണ് വോട്ട് രേഖപ്പെടുത്തിയത്.

ജനപ്രിയതാരം സാധാരണക്കാരനെപ്പോലെ റോഡിലൂടെ സൈക്കിളോടിക്കുന്നത് കണ്ട് ആരാധകരുടെ നിയന്ത്രണം വിട്ടു. ഒപ്പം വണ്ടിയോടിച്ചും മൊബൈലിൽ വിഡിയോ ഷൂട്ട് ചെയ്തുകൊണ്ടും വലിയ ജനക്കൂട്ടമാണ് തടിച്ചുകൂടിയത്. ഒടുവില്‍ പൊലീസ് ലാത്തി ഉപയോഗിച്ചാണ് ജനക്കൂട്ടത്തെ നിയന്ത്രിച്ചത്.

നേരത്തെ മക്കൾ നീതി മയ്യം നേതാവ് കമൽ ഹാസൻ രാവിലെ തന്നെ വോട്ട് രേഖപ്പെടുത്താനെത്തിയിരുന്നു. എൽദാംസ് റോഡിലെ കോർപ്പറേഷൻ സ്‌കൂളിലാണ് കമൽ ഹാസൻ വോട്ട് രേഖപ്പെടുത്തിയത്. രജനികാന്തും അജിത്തും ശാലിനിയും വോട്ട് ചെയ്യാനെത്തി. തൗസൻഡ് ലൈറ്റ്‌സ് മണ്ഡലത്തിലെ സ്റ്റെല്ലാ മേരീസ് കോളജിലാണ് രജനികാന്തിന്റെ വോട്ട്. തിരുവാൺമിയൂർ സ്‌കൂളിലാണ് അജിത്തും ശാലിനിയും വോട്ട് രേഖപ്പെടുത്തിയത്.

LEAVE A REPLY

Please enter your comment!
Please enter your name here

Latest News

പ്രതിഷേധം ശക്തമായിട്ടും കണ്ണൂര്‍ കുഞ്ഞിമംഗലം മല്ലിയോട്ട് കാവിലെ വിവാദ ബോര്‍ഡ് നീക്കിയില്ല

പ്രതിഷേധം ശക്തമായിട്ടും കണ്ണൂര്‍ കുഞ്ഞിമംഗലം മല്ലിയോട്ട് കാവിലെ വിവാദ ബോര്‍ഡ് നീക്കാതെ കമ്മറ്റി. കുഞ്ഞിമംഗലം മല്ലിയോട്ട് പാലോട്ട് കാവിലെ വിഷുവിളക്ക് ഉത്സവത്തില്‍ മുസ്‍ലിം സമുദായ അംഗങ്ങള്‍ക്ക്...

More Articles Like This