Monday, May 10, 2021

ഹെല്‍മെറ്റില്ലാതെ ട്രെക്ക് ഓടിച്ച ഡ്രൈവര്‍ക്ക് പിഴ; വിചിത്ര ശിക്ഷ

Must Read

ഭുവനേശ്വര്‍ : ഹെല്‍മെറ്റ് ഇടാതെ ട്രെക്ക് ഓടിച്ച ഡ്രൈവര്‍ക്ക് പിഴ ശിക്ഷ. ഒഡിഷയിലെ ഗഞ്ചാമിലാണ് ട്രെക്ക് ഡ്രൈവര്‍ക്ക് വിചിത്ര രീതിയിലെ പിഴ ശിക്ഷ അടയ്ക്കേണ്ടി വന്നത്. പ്രമോദ് കുമാര്‍ സ്വയിനെന്ന ട്രെക്ക് ഡ്രൈവര്‍ ബുധനാഴ്ചയാണ് ആര്‍ടിഓഫീസിലെത്തിയത്. ഏറെനാളുകളായി പ്രമോദ് കുമാറിന്‍റെ പേരിലുള്ള ഒരു ചലാന്‍ അടയ്ക്കാനുണ്ടെന്ന് ഉദ്യോഗസ്ഥര്‍ പറയുമ്പോഴാണ് പ്രമോദ് അറിയുന്നത്

മൂന്ന്  വര്‍ഷത്തോളമായി കുടിവെള്ളം വിതരണം ചെയ്യുന്ന ട്രെക്കാണ് പ്രമോദ് കുമാര്‍ സ്വയിന്‍ ഓടിക്കുന്നത്. വെള്ളം വിതരണം ചെയ്യാനുള്ള പെര്‍മിറ്റ് പുതുക്കുന്നതിന് വേണ്ടിയായിരുന്നു ഇത്. ഈ സമയത്താണ് പിഴത്തുക അടയ്ക്കാനുണ്ടെന്ന് ആര്‍ടി ഓഫീസില്‍ നിന്ന് അറിയിക്കുന്നത്. വിശദമായി ചോദിച്ച് പിഴയടക്കേണ്ടി വന്ന തെറ്റെന്താണെന്ന് പരിശോധിക്കുമ്പോഴാണ് ഹെല്‍മറ്റ് ഉപയോഗിക്കാതെ ട്രെക്ക് ഓടിച്ചതിനാണ് പിഴയെന്ന് അറിയുന്നത്.

പ്രമോദ് കുമാറിന്‍റെ ട്രെക്കിന്‍റെ രജിസ്ട്രേഷന്‍ നമ്പറിലുള്ള ചെല്ലാനിലായിരുന്നു തെറ്റെന്താണെന്ന് വിശദമാക്കിയിരുന്നത്. താന്‍ ട്രെക്കാണ് ഉപയോഗിക്കുന്നതെന്ന് വാദിച്ചെങ്കിലും പ്രമോദ് കുമാറിന്‍റെ കേള്‍ക്കാന്‍ ഉദ്യോഗസ്ഥര്‍ തയ്യാറായില്ല. പിഴയൊടുക്കാതെ പെര്‍മിറ്റ് നല്‍കില്ലെന്ന് തീര്‍ത്തുപറയുക കൂടി ചെയ്തതോടെ പ്രമോദ് കുമാര്‍ ആയിരം രൂപ പിഴത്തുക അടയ്ക്കുകയായിരുന്നു. പല വിധത്തില്‍ ഉദ്യോഗസ്ഥര്‍ സാധാരണക്കാരില്‍ നിന്ന് പണം പിടിച്ചെടുക്കുകയാണെന്നാണ് പ്രമോദ് കുമാറിന്‍റെ പരാതി.

LEAVE A REPLY

Please enter your comment!
Please enter your name here

Latest News

സമ്പർക്കം ഉണ്ടായി അഞ്ച് ദിവസത്തിന്‌ ശേഷമാണ്‌ കോവിഡ്‌ ടെസ്‌റ്റ്‌ ചെയ്യേണ്ടത്‌, ടെസ്റ്റ് റിസൾട്ട് നെഗറ്റീവായാലും ഇത് കൂടി ശ്രദ്ധിക്കണം: ഡോ ഷിംന അസീസ്

ആരെങ്കിലും പോസിറ്റീവ് ആയെന്ന്‌ കേട്ടാലുടൻ ഓടിപ്പോയി ചെക്ക്‌ ചെയ്‌തിട്ട്‌ കാര്യമില്ലെന്ന് ഡോ. ഷിനം അസീസ്. തന്റെ ഫെയ്സ്ബുക്ക് കുറിപ്പിലൂടെയാണ് ഡോക്ടർ ഇക്കാര്യം വിശദീകരിച്ചത്. സമ്പർക്കം ഉണ്ടായി അഞ്ച്...

More Articles Like This