Wednesday, May 12, 2021

രാത്രി വാഹനമോടിക്കുമ്പോൾ ഡിം ലൈറ്റ്​ മാത്രമേ ഉപയോഗിക്കാവൂ; മുന്നറിയിപ്പുമായി പൊലീസ്​

Must Read

രാത്രി വാഹനമോടിക്കുന്നവർക്ക്​ മുന്നറിയിപ്പുമായി കേരള ട്രാഫിക്​ പൊലീസ്​. രാത്രി വാഹനം ഓടിക്കുന്നവർ നേരിടുന്ന പ്രധാന പ്രശ്നമാണ് എതിരെ വരുന്ന വാഹനത്തിന്‍റെ ഹെഡ് ലൈറ്റിൽ നിന്നുള്ള പ്രകാശം. ഹൈബീം ഹെഡ് ലൈറ്റുകളുടെ പ്രകാശം കണ്ണിൽ വീണ് ഡ്രൈവറുടെ കാഴ്ച മറഞ്ഞുണ്ടാകുന്ന അപകടങ്ങൾ വർധിച്ചുവരികയാണ്​.

മോട്ടോർ വാഹന നിയമപ്രകാരം രാത്രി വാഹനമോടിക്കുമ്പോൾ ഡിം ലൈറ്റ് മാത്രമേ ഉപയോഗിക്കാൻ പാടുള്ളൂ. രാത്രി യാത്രകളിൽ ഓവർടേക്ക് ചെയ്യുമ്പോഴൂം വളവുകളിലും ഡിം – ബ്രൈറ്റ് മോഡുകൾ ഇടവിട്ട് ചെയ്യുക. അതിലൂടെ എതിരെ വരുന്ന വാഹനങ്ങൾക്ക് നിങ്ങളുടെ വാഹനത്തിന്‍റെ സാന്നിധ്യം അറിയാൻ കഴിയും.

ഇത്​ കൂടാതെ രാത്രി ഡ്രൈവ്​ ചെയ്യുന്നവർക്കുള്ള മറ്റു നിർദേശങ്ങളും പൊലീസ്​ നൽകുന്നുണ്ട്​.

  • യാത്ര തുടങ്ങുന്നതിന്​ മുമ്പ്​ എല്ലാ ലൈറ്റുകളും പ്രവർത്തിക്കുന്നുണ്ടെന്ന്​ ഉറപ്പുവരുത്തുക.
  • വാഹനത്തിനകത്തെ വെളിച്ചം പരമാവധി ഒഴിവാക്കുക.
  • എതിർവാഹനത്തിന്‍റെ ലൈറ്റ്​ തട്ടി ബുദ്ധിമുട്ട്​ വരാതിരിക്കാൻ ഗ്ലാസുകൾ വൃത്തിയായി സൂക്ഷിക്കുക.
  • ഇരുട്ടത്ത്​ വഴിയാത്രക്കാരെ കാണാൻ ബുദ്ധിമുട്ടാണ്​. ഇക്കാര്യത്തിൽ ​ശ്രദ്ധവേണം.
  • രാത്രി കാഴ്ചകൾ മങ്ങുന്നുണ്ടെങ്കിൽ കണ്ണ്​ പരിശോധന നടത്തണം.

LEAVE A REPLY

Please enter your comment!
Please enter your name here

Latest News

റംസാന്‍ മുപ്പത്; അവസാന വ്രതമെടുത്ത് വിശ്വാസികള്‍, നാളെ പെരുന്നാള്‍, ഇന്ന് മാംസ വില്‍പ്പനശാലകള്‍ക്ക് ലോക്ക്ഡൗണില്‍ ഇളവ്

തിരുവനന്തപുരം: ചെറിയ പെരുന്നാള്‍ വ്യാഴാഴ്ചയാണെന്ന അറിയിപ്പുവന്നതോടെ ഇത്തവണത്തെ അവസാനത്തെ വ്രതം അനുഷ്ഠിക്കുകയാണ് വിശ്വാസികള്‍. ഇന്നലെ മാസപ്പിറവി ദൃശ്യമാകാത്ത സാഹചര്യത്തില്‍ കേരളത്തില്‍ ചെറിയ പെരുന്നാള്‍ മെയ് 13...

More Articles Like This