Wednesday, May 12, 2021

ആധാറുമായി ബന്ധിപ്പിക്കാത്തതിന്റെ പേരില്‍ റദ്ദാക്കിയത് 3 കോടിയോളം റേഷന്‍ കാര്‍ഡുകള്‍; ഗൗരവതരമെന്ന് സുപ്രീംകോടതി

Must Read

ന്യൂഡൽഹി: ആധാറുമായി ബാധിപ്പിക്കാത്ത മൂന്ന് കോടിയോളം റേഷൻ കാർഡുകൾ റദ്ദാക്കിയത് ഗൗരവമേറിയ വിഷയമെന്ന് സുപ്രീം കോടതി.  റേഷൻ കാർഡുകൾ റദ്ദാക്കിയത് സംബന്ധിച്ച് കേന്ദ്ര സംസ്ഥാന സർക്കാരുകൾക്ക് സുപ്രീം കോടതി നോട്ടീസ് അയച്ചു.

ജാർഖണ്ഡിൽ നിന്നുളള ആദിവാസി യുവതി നൽകിയ ഹർജിയിലാണ് സുപ്രീം കോടതിയുടെ നടപടി. ഭക്ഷണം കിട്ടാത്തതിനെ തുടർന്ന് തന്റെ പതിനൊന്ന് വയസുള്ള മകൾ പട്ടിണി കിടന്ന് മരിച്ചതായാണ് യുവതി ഹർജിയിൽ പറയുന്നത്. റേഷൻ കാർഡുകൾ റദ്ദാക്കുന്നതിനെ തുടർന്ന് പട്ടിണി മരണങ്ങൾ കൂടുന്നതായി ഹർജിക്കാർക്ക് വേണ്ടി ഹാജരായ സീനിയർ അഭിഭാഷകൻ കോളിൻ ഗോൺസാൽവസ് ചൂണ്ടിക്കാട്ടി.

എന്നാൽ റേഷൻ ലഭിക്കാത്തതിനെ തുടർന്ന് പട്ടിണി മരണം ഉണ്ടാകുന്നു എന്ന വാദം തെറ്റാണെന്നാണ് കേന്ദ്ര സർക്കാരിനും യൂണിക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ (യുഐഡിഎഐ)യ്ക്കും വേണ്ടി ഹാജരായ അഡീഷണൽ സോളിസിറ്റർ ജനറൽ അമൻ ലേഖി വാദിച്ചത്. മാധ്യമ വാർത്തകളുടെ അടിസ്ഥാനത്തിലുള്ള ഹർജി പരിഗണിക്കരുതെന്നും ലേഖി ആവശ്യപ്പെട്ടു.

എന്നാൽ ഹർജിയിൽ വിശദമായ മറുപടി നാല് ആഴ്ചയ്ക്കകം നൽകാൻ ചീഫ് ജസ്റ്റിസ് അധ്യക്ഷനായ ബെഞ്ച് കേന്ദ്ര സർക്കാരിനോടും യുഐഡിഎഐയോടും ആവശ്യപ്പെട്ടു. പ്രതികാര മനോഭാവത്തോടെ കാണേണ്ട വിഷയമല്ല ഇതെന്നും  കോടതി ചൂണ്ടിക്കാട്ടി.

LEAVE A REPLY

Please enter your comment!
Please enter your name here

Latest News

റംസാന്‍ മുപ്പത്; അവസാന വ്രതമെടുത്ത് വിശ്വാസികള്‍, നാളെ പെരുന്നാള്‍, ഇന്ന് മാംസ വില്‍പ്പനശാലകള്‍ക്ക് ലോക്ക്ഡൗണില്‍ ഇളവ്

തിരുവനന്തപുരം: ചെറിയ പെരുന്നാള്‍ വ്യാഴാഴ്ചയാണെന്ന അറിയിപ്പുവന്നതോടെ ഇത്തവണത്തെ അവസാനത്തെ വ്രതം അനുഷ്ഠിക്കുകയാണ് വിശ്വാസികള്‍. ഇന്നലെ മാസപ്പിറവി ദൃശ്യമാകാത്ത സാഹചര്യത്തില്‍ കേരളത്തില്‍ ചെറിയ പെരുന്നാള്‍ മെയ് 13...

More Articles Like This