Friday, April 16, 2021

ഉപയോക്താക്കളെ വെട്ടിലാക്കുന്ന പ്രധാന പ്രശ്‌നത്തിന് വാട്ട്‌സ്ആപ്പിന്റെ പൂട്ട്

Must Read

ഡൽഹി (www.mediavisionnews.in) : പുതിയ ഫീച്ചറുകളുമായി അടിക്കടി മുഖം മിനുക്കലിലാണ് മെസേജിംഗ് ആപ്പായ വാട്ട്സ്ആപ്പ്. ഓരോ അപ്‌ഡേറ്റിലും ഉപയോക്താക്കളെ കാത്തിരിക്കുന്നത് നിരവധി പുത്തന്‍ മാറ്റങ്ങളാണ്. ഇപ്പോള്‍ വ്യാജ വാര്‍ത്തകള്‍ക്ക് പൂട്ടിടാനുള്ള ഒരുക്കങ്ങളിലാണ് വാട്ട്‌സ്ആപ്പ്. അതിന്റെ ഭാഗമായി സംശയാസ്പദമായ ലിങ്കുകള്‍ കണ്ടെത്തി പൂട്ടിടുന്നതിനായി പുതിയ ഫീച്ചര്‍ അവതരിപ്പിക്കാന്‍ ഒരുങ്ങുകയാണ് വാട്ട്‌സ്ആപ്പ്. ആന്‍ഡ്രോയിഡിലെ 2.18.204 ബീറ്റാ പതിപ്പിലാണ് പുതിയ ഫീച്ചര്‍ ഒരുങ്ങുന്നത്.

ഷെയര്‍ ചെയ്യപ്പെടുന്ന ലിങ്കുകള്‍ സംശയാസ്പദമാണോ എന്ന് തിരിച്ചറിയാനുള്ള സൗകര്യമാണ് പുതിയ ഫീച്ചറിലൂടെ ഒരുക്കുന്നത്. വ്യാജ വെബ്സൈറ്റിലേക്കാണോ ഈ ലിങ്ക് ഉപയോക്താക്കളെ എത്തിക്കുക എന്ന് വാട്ട്‌സ്ആപ്പ് തിരിച്ചറിയുന്നു. ഒരു ചുവന്ന ലേബല്‍ നല്‍കിയാണ് ഈ ലിങ്കുകള്‍ പ്രശ്നമുള്ളതാണെന്ന് സൂചന വാട്ട്‌സ്ആപ്പ് നല്‍കുന്നത്. പ്രചരിക്കുന്ന ലിങ്കുകളെല്ലാം വാട്സ്ആപ്പ് നിരന്തരം പരിശോധിച്ചുകൊണ്ടിരിക്കും.

നേരത്തെ വാട്‌സ്ആപ്പ് ഗ്രൂപ്പ് അംഗങ്ങളെ സന്ദേശങ്ങള്‍ അയക്കുന്നതില്‍ നിന്നും നിയന്ത്രിക്കുന്ന സെന്റ് മെസേജ് ഫീച്ചര്‍ അവതരിപ്പിച്ചിരുന്നു. വാട്‌സ്ആപ്പിന്റെ 2.18.201 ആന്‍ഡ്രോയിഡ് ബീറ്റാ പതിപ്പിലും 2.18.70 ഐഓഎസ് ബീറ്റാ പതിപ്പിലുമാണ് ഈ ഫീച്ചര്‍ അവതരിപ്പിച്ചത്. വ്യാജ വാര്‍ത്തകള്‍ അനിയന്ത്രിതമായി പരക്കുന്നതിന്റെ പശ്ചാത്തലത്തിലാണ് വാട്ട്‌സ്ആപ്പിന്റെ പുതിയ മുഖം മിനുക്കലുകള്‍.

LEAVE A REPLY

Please enter your comment!
Please enter your name here

Latest News

കൊവിഡ് 19; ഈ മൂന്ന് തരം പാനീയങ്ങൾ പ്രതിരോധശേഷി വർദ്ധിപ്പിക്കാൻ സഹായിക്കും

കൊവിഡ് 19 രണ്ടാം തരംഗം ആഞ്ഞടിച്ചുകൊണ്ടിരിക്കുകയാണ് നമ്മുടെ രാജ്യത്ത്. ഓരോ ദിവസവും വലിയ പ്രതിസന്ധികളിലൂടെയാണ് ആരോഗ്യമേഖല കടന്നുപൊയ്‌ക്കൊണ്ടിരിക്കുന്നത്. ഈ കൊവിഡ് കാലത്ത് പ്രധാനമായി ശ്രദ്ധിക്കേണ്ടത് രോ​ഗപ്രതിരോധശേഷി...

More Articles Like This