വ്യാജ വാര്‍ത്തകള്‍; ജാഗ്രത പാലിക്കാന്‍ വാട്‌സ്‌ആപ്പില്‍ ഫോര്‍വേഡഡ് ലേബല്‍ ഫീച്ചര്‍

0
117

(www.mediavisionnews.in) ഫോര്‍വേഡ് സന്ദേശങ്ങള്‍ അടയാളപ്പെടുത്തുന്ന പുതിയ ഫീച്ചര്‍ ആന്‍ഡ്രോയിഡ് ബീറ്റ വേര്‍ഷന്‍ 2.18.179 വാട്ട്സ്‌ആപ്പില്‍ അപ്ഡേറ്റ് ചെയ്തു. ടെക്സ്റ്റ്, ഫോട്ടോ, വീഡിയോ എന്നിവയൊക്കെ ഫോര്‍വേഡ് ചെയ്താല്‍ ഈ അടയാളപ്പെടുത്തല്‍ കാണാനാകും. ഫോര്‍വേഡ് ചെയ്യുന്ന സന്ദേശങ്ങളെ ‘ഫോര്‍വേഡ്’ എന്ന് തന്നെ അടയാളപ്പെടുത്തുന്ന ഫീച്ചറാണ് ഇത്. തട്ടിപ്പ് സന്ദേശങ്ങള്‍ കുറയ്ക്കുവാന്‍ സഹായിക്കുന്ന ഒരു ഫീച്ചറാണ് ഇത്.

ഈ അടയാളം ഫോര്‍വേഡ് ചെയ്ത സന്ദേശത്തിന്റെ മുകളിലായാണ് ഉണ്ടാവുക. ആന്‍ഡ്രോയിഡ് ബീറ്റ വേഷന്‍ 2.18.67ല്‍ ഈ വര്‍ഷം മാര്‍ച്ചിലാണ് ഈ ഫീച്ചര്‍ ആദ്യമായി കാണപ്പെട്ടത്. ഗൂഗിള്‍ പ്ലേയില്‍ വാട്ട്സ്‌ആപ്പിനുളള ബീറ്റ പ്രോഗ്രാമില്‍ ഉപയോക്താക്കള്‍ക്ക് ‘ഫോര്‍വേഡ് ലേബല്‍’ അടക്കമുളള പുതിയ ഫീച്ചര്‍ ലഭ്യമാകുന്നുണ്ടോയെന്ന് പരിശോധിക്കാനാവും. ‘ഫോര്‍വേഡ് ലേബല്‍’ സൗകര്യം വാട്ട്സ്‌ആപ്പില്‍ പ്രചരിക്കുന്ന സ്പാം സന്ദേശങ്ങള്‍ തിരിച്ചറിയാന്‍ ഗുണംചെയ്യും.

ഫോര്‍വേഡഡ് ലേബല്‍ നീക്കം ചെയ്യാനുളള ഓപ്ഷന്‍ ലഭ്യമല്ല. എന്നാല്‍ സന്ദേശങ്ങള്‍ കോപ്പി ചെയ്ത് പേസ്റ്റ് ചെയ്താല്‍ ഫോര്‍വേഡ് ലേബല്‍ ഇല്ലാതെ സന്ദേശം അയക്കാന്‍ സാധിക്കും. മാത്രമല്ല, നമുക്ക് ഫോര്‍വേഡ് ആയിക്കിട്ടിയ സന്ദേശം ഗാലറിയില്‍ നിന്ന് നേരിട്ട് ‘ഫോര്‍വേഡ് ലേബല്‍’ ഇല്ലാതെ അയക്കാം. ഈയടുത്താണ് പ്രെഡിക്ടഡ് അപ്ലോഡ് ഫീച്ചര്‍ വാട്സ്‌ആപ്പ് അവതരിപ്പിച്ചത്.

ഈ ഫീച്ചര്‍ ആന്‍ഡ്രോയിഡിയും ഐഒഎസിലും ലഭ്യമാണ്. ആപ്പ് സെര്‍വറിലേക്ക് 12 ഫോട്ടോകള്‍ വരെ അപ്ലോഡ് ചെയ്ത് സേവ് ചെയ്ത് വെക്കാവുന്നതാണ് ഈ ഫീച്ചര്‍. എളുപ്പത്തില്‍ ചിത്രങ്ങള്‍ അയക്കാന്‍ വേണ്ടിയാണ് ഈ ഫീച്ചര്‍ പുറത്തിറക്കിയത്.

LEAVE A REPLY

Please enter your comment!
Please enter your name here