Wednesday, October 27, 2021

ഗൾഫ് ജോലി; വാട്​സ്​ആപ് സന്ദേശം കണ്ട് റിസോർട്ടിലെത്തിയത് നൂറു കണക്കിന് പേർ

Must Read

പന്തീരാങ്കാവ് (www.mediavisionnews.in): അബൂദുബൈ നാഷനൽ ഓയിൽ കമ്പനിയിലേക്ക് ജോലിക്ക് ആളെ ആവശ്യമുണ്ടെന്ന വാട്സ്​ആപ്​ സന്ദേശം കണ്ട് അഭിമ​ുഖത്തിനെത്തിയവർ അധികൃതരെ കാണാനാവാതെ മടങ്ങി. ദിവസങ്ങളോളമായി പ്രചരിക്കുന്ന സന്ദേശംകണ്ട് നൂറുകണക്കിന് ആളുകളാണ് സംസ്ഥാനത്തി​​െൻറ വിവിധ ഭാഗങ്ങളിൽനിന്നും പുറത്തുനിന്നും ശനിയാഴ്ച പുലർച്ച മുതൽ അഴിഞ്ഞിലം സ്വകാര്യ റിസോർട്ടി​ലെത്തിയത്. 23നും 35നുമിടക്ക് പ്രായമുള്ള പ്ലസ് ടു യോഗ്യതയുള്ളവരെയാണ് അഭിമുഖത്തിന് ക്ഷണിച്ചത്.

എന്നാൽ, അഭിമുഖത്തെക്കുറിച്ച്  തങ്ങൾക്ക് വിവരമൊന്നുമില്ലെന്ന് റിസോർട്ട് അധികൃതർ വ്യക്തമാക്കിയതോടെയാണ് കബളിപ്പിക്കപ്പെട്ടെന്ന് ഉദ്യോഗാർഥികൾക്ക് മനസ്സിലായത്.

കൊല്ലത്തെ ക്രിയേറ്റിവ് ടൂർസ് ആൻഡ് ട്രാവൽസി​​െൻറ പേരിലാണ് സന്ദേശം പ്രചരിച്ചത്. എന്നാൽ, നേരത്തെ ഇൻറർവ്യൂ നടത്തി 400 ആളുകളെ തിരഞ്ഞെടുത്തതായി ട്രാവൽസ് അധികൃതർ പറഞ്ഞു.

ലിസ്​റ്റ്​ ചെയ്യപ്പെട്ട ഉദ്യോഗാർഥികളുമായി കമ്പനി അധികൃതരുടെ മുഖാമുഖമാണ് ശനിയാഴ്ച തീരുമാനിച്ചിരുന്നതെന്നും ഉദ്യോഗസ്ഥരുടെ അസൗകര്യം മൂലം ഇത് മാറ്റിവെച്ച വിവരം ഉദ്യോഗാർഥികളെ അറിയിച്ചിരുന്നതായും ട്രാവൽസ് അധികൃതർ പറഞ്ഞു. മുക്കം സ്വദേശിയായ ഷിജു അഡ്മിനായ വാട്സ്ആപ്​ ഗ്രൂപ് വഴിയാണ് 23ലെ അഭിമുഖത്തി​െൻറ സന്ദേശം പ്രചരിച്ചതെന്ന്​ വാഴക്കാട് ​െപാലീസ് അറിയിച്ചു.

LEAVE A REPLY

Please enter your comment!
Please enter your name here

Latest News

ഇന്‍സ്റ്റഗ്രാമിലൂടെ പരിചയപ്പെട്ട കാമുകനെ തേടി യുവതി എത്തി; കാസര്‍കോട്ടെ യുവതി മലപ്പുറത്തെത്തിയത് തിരൂരങ്ങാടി പൊലീസ് സ്റ്റേഷന്‍ പരിധിയിലെ കാമുകനെ തേടി! യുവാവിനെ വിവാഹം കഴിക്കാൻ എത്തിയ യുവതി കണ്ടത് ഞെട്ടിക്കുന്ന കാഴ്ച, അവസാനം...

ഇന്‍സ്റ്റഗ്രാമിലൂടെ പരിചയപ്പെട്ട കാമുകനെ തേടി യുവതി കാസര്‍കോട് നിന്ന് മലപ്പുറത്തെത്തി. തിരൂരങ്ങാടി പൊലീസ് സ്റ്റേഷന്‍ പരിധിയിലെ കാമുകനെ തേടിയാണ് യുവതി വീടുവിട്ടിറങ്ങിയത്. ഭര്‍തൃമതിയായ ഇവര്‍ അടുത്തിടെ...

More Articles Like This