ഉപ്പളയിലെ ഗുണ്ടാതലവന്റെ മകനെ കുത്തിക്കൊന്നതായി വ്യാജ സന്ദേശം: പോലീസ് അന്വേഷണം ആരംഭിച്ചു

0
112

ഉപ്പള (www.mediavisionnews.in) : ഉപ്പളയിലെ ഗുണ്ടാതലവന്റെ മകനെ കുത്തിക്കൊന്നതായി വ്യാജ സന്ദേശം പോലിസിനെ വട്ടം കറക്കി. വെള്ളിയാഴ്ച അർദ്ധരാത്രിയോടെ ഉപ്പള റെയിൽവേ സ്റ്റേഷനടുത്ത് കുപ്രസിദ്ധ ഗുണ്ടാ തലവന്റെ മകനെ കുത്തിക്കൊന്നുവെന്നായിരുന്നു സന്ദേശം. തുടർന്ന് വ്യാപകമായി ഇത് പ്രചരിച്ചതോടെ മഞ്ചേശ്വരം പോലീസ് നടത്തിയ അന്വേഷണത്തിൽ പ്രചാരണം വ്യാജമാണെന്ന് തെളിയുകയായിരുന്നു.

കിംവദന്തി പരന്നതോടെ നിരവധി പേർ പോലീസ് സ്റ്റേഷനിലേക്കും മാധ്യമസ്ഥാപനങ്ങളിലേക്കും വിളിച്ച് നിജസ്ഥിതി അറിയാൻ ശ്രമിക്കുകയായിരുന്നു. ഇതോടെ വാർത്ത എല്ലായിടത്തും പടർന്നു.

പോലീസിന്റെ ശ്രദ്ധ തിരിക്കാൻ മാഫിയകൾ ചെയ്തതാണോ എന്നാണ് ഇപ്പോൾ സംശയം. വ്യാജ സന്ദേശം പ്രചരിപ്പിച്ചവർക്കെതിരെ പോലീസ് അന്വേഷണം ആരംഭിച്ചു.

LEAVE A REPLY

Please enter your comment!
Please enter your name here