മംഗളൂരു : ദുബായിൽനിന്ന് മംഗളൂരു അന്താരാഷ്ട്ര വിമാനത്താവളം വഴി കടത്താൻ ശ്രമിച്ച 2.648 കിലോ 24 കാരറ്റ് സ്വർണവുമായി ഒരു സ്ത്രീയുൾപ്പെടെ രണ്ടു മലയാളികൾ അറസ്റ്റിൽ. കാസർകോട് ഉപ്പള സ്വദേശിനിയും മുംബൈയിൽ താമസക്കാരിയുമായ സീനത്ത് ബാനുവിൽ (45)നിന്ന് 86,89,440 രൂപ വിലമതിക്കുന്ന 1.684 കിലോ സ്വർണമാണ് പിടികൂടിയത്. സ്വർണം പേസ്റ്റ് രൂപത്തിലാക്കി സാനിറ്ററി പാഡിനുള്ളിൽവച്ച് അടിവസ്ത്രത്തിൽ ഒളിപ്പിച്ചുകടത്താനാണ് ശ്രമിച്ചത്.