തിരുവനന്തപുരം: തിരുവനന്തപുരം- കാസര്കോട് സില്വര് ലൈന് പദ്ധതി റദ്ദാക്കിയതായി മുഖ്യമന്ത്രി വി ഡി സതീശന്. മന്ത്രിസഭാ യോഗത്തിന് ശേഷം തിരുവനന്തപുരത്ത് നടത്തിയ വാർത്താസമ്മേളനത്തിലാണ് പദ്ധതി റദ്ദാക്കിയ കാര്യം അദ്ദേഹം വാർത്താസമ്മേളനത്തിൽ അറിയിച്ചത്.
ഭൂമി ഏറ്റെടുക്കുന്നതുമായി ബന്ധപ്പെട്ട് പുറപ്പെടുവിച്ചിട്ടുള്ള എല്ലാ വിജ്ഞാപനങ്ങളും റദ്ദ് ചെയ്തു. സില്വര് ലൈന് സമരവുമായി ബന്ധപ്പെട്ട് വിവിധ കോടതികളിലും പൊലീസ് സ്റ്റേഷനിലും നിലനില്ക്കുന്ന കേസുകള് സ്വഭാവമനുസരിച്ച് പിന്വലിക്കനുള്ള ശുപാര്ശ കോടതിയില് നല്കും. പദ്ധതിയുടെ ഭാഗമായി സ്ഥാപിച്ച മഞ്ഞക്കുറ്റികള് നീക്കം ചെയ്യാന് റവന്യൂ വകുപ്പിന് നിര്ദേശം നല്കിയെന്നും മുഖ്യമന്ത്രി പറഞ്ഞു.
കാസർകോടുനിന്ന് തിരുവനന്തപുരത്തേക്കുള്ള യാത്രാസമയം 12 മണിക്കൂറിൽനിന്ന് നാല് മണിക്കൂറാക്കുന്ന പദ്ധതിയാണ് സിൽവർലൈൻ. 11 സ്റ്റോപ്പുകളാണ് വിഭാവനം ചെയ്തത്.