ഓസ്ട്രേലിയയിൽ ഹോട്ടൽ ബില്ലടച്ചില്ല, പാത്രം കഴുകി പാക് താരങ്ങൾ; തെരുവിൽ കഴിയേണ്ടിവന്നത് ആറ് മണിക്കൂർ

താമസ സൗകര്യം കിട്ടാതായതോടെ പാക്ക് താരങ്ങൾ മണിക്കൂറുകളോളം റോഡരികിയിൽ ‘പോസ്റ്റായി’. ഓസ്ട്രേലിയയ്ക്കെതിരായ മത്സരത്തിന് തലേ ദിവസമായിരുന്നു സംഭവം. മത്സരത്തിൽ ഓസ്ട്രേലിയയോടും ജര്‍മനിയോടും പാക്കിസ്ഥാൻ തോൽവി വഴങ്ങിയിരുന്നു. ‘‘13 ദിവസമായിരുന്നു ഞങ്ങൾ ഓസ്ട്രേലിയയിൽ ഉണ്ടായിരുന്നത്. എന്നാൽ 10 ദിവസത്തെ താമസ സൗകര്യം മാത്രമായിരുന്നു ഉണ്ടായിരുന്നത്. ഇതോടെ മൂന്നു ദിവസത്തേക്കു വേണ്ടി ഞങ്ങൾ ഒരു വിലകുറഞ്ഞ സ്ഥലത്തേക്കു മാറി. തുണി അലക്കിയും ശുചിമുറി വൃത്തിയാക്കിയുമാണു താരങ്ങൾ കളിക്കാൻ ഇറങ്ങുന്നത്. പരിശീലനത്തിന് സമയം പോലുംകിട്ടിയില്ല’’- ഷക്കീൽ ബട്ട് ആരോപിച്ചു.

സംഭവത്തിൽ പാക്ക് പ്രധാനമന്ത്രി ഷഹബാസ് ഷെരീഫ് അന്വേഷണം പ്രഖ്യാപിച്ചു. അതേസമയം മാധ്യമങ്ങളോടു സംസാരിച്ചാൽ താരങ്ങൾക്കെതിരെ അച്ചടക്ക നടപടി വരുമെന്ന് ഹോക്കി ഫെഡറേഷൻ ഭീഷണിപ്പെടുത്തിയതായും വിവരമുണ്ട്.