ഹർത്താൽ, ബസ് സമരം എന്തു വന്നാലും നാല് ഷോ; ‘ദൃശ്യം 3’ തിയറ്റർ കരാർ പുറത്ത്

മലയാള സിനിമയിലെ എക്കാലത്തെയും വലിയ വിജയ വിസ്മയമായ ‘ദൃശ്യം’ മൂന്നാം ഭാഗത്തിനായി കാത്തിരിക്കുന്ന ആരാധകർക്ക് ആവേശം പകരുന്ന വാർത്തകൾ പുറത്ത്. മോഹൻലാൽ – ജീത്തു ജോസഫ് കൂട്ടുകെട്ടിൽ ഒരുങ്ങുന്ന ദൃശ്യം 3-യുടെ തിയറ്റർ എഗ്രിമെന്റ് സംബന്ധിച്ച വിവരങ്ങളാണ് ഇപ്പോൾ പുറത്തുവന്നിരിക്കുന്നത്.

കേരളത്തിലെ തിയറ്ററുകളിൽ ചിത്രം പ്രദർശിപ്പിക്കുന്നതിനായി വൻ സജ്ജീകരണങ്ങളാണ് അണിയറപ്രവർത്തകർ ഒരുക്കിയിരിക്കുന്നത്. പ്രതിദിനം മിനിമം നാല് ഷോകൾ ഉറപ്പാക്കിയിട്ടുണ്ട്. ചുരുങ്ങിയത് 50 ദിവസമെങ്കിലും ചിത്രം തിയറ്ററുകളിൽ പ്രദർശിപ്പിക്കണമെന്നാണ് പ്രാഥമിക കരാർ. 2026 ഏപ്രിൽ 2-ന് ചിത്രം തീയറ്ററുകളിലെത്തും. റിലീസ് തീയതിയുടെ തിരഞ്ഞെടുപ്പാണ് ദൃശ്യം 3-യുടെ മറ്റൊരു കരുത്ത്. പെസഹാ വ്യാഴം, ദുഃഖ വെള്ളി, തുടർന്ന് വരുന്ന ശനി, ഞായർ എന്നിങ്ങനെ ഒരു വലിയ വാരാന്ത്യം ലഭിക്കുന്നത് ചിത്രത്തിന് ബോക്സ് ഓഫീസിൽ വൻ തുടക്കം നൽകുമെന്ന് ഉറപ്പാണ്.