ജമ്മു: കത്വകേസിലെ അഭിഭാഷകയും, ജമ്മുകശ്മീരിലെ കോണ്ഗ്രസ് വക്താവുമായ ദീപിക രജാവത്ത് പാര്ട്ടിയില് നിന്ന് രാജി വച്ചു. ഭാരത് ജോഡോ യാത്ര കശ്മീരിലേക്ക് നാളെ കടക്കാനിരിക്കെ, ദീപിക രജാവത്തിന്റെ രാജി കോൺഗ്രസിന് വലിയ ക്ഷീണമായി. മുന് മന്ത്രി ചൗധരി ലാല് സിംഗിനെ ഭാരത് ജോഡോ യാത്രയില് ഉള്പ്പെടുത്തിയതില് പ്രതിഷേധിച്ചാണ് ദീപിക രജാവത്ത് രാജി വയ്ക്കാൻ തീരുമാനിച്ചത്. ഏറെ കോളിളക്കമുണ്ടാക്കിയ കത്വ കേസ് അട്ടിമറിക്കാന് ശ്രമിച്ചെന്ന ആരോപണം നേരിട്ടയാളാണ് ചൗധരി ലാല് സിംഗ്. ക്വത്വ പെണ്കുട്ടിയുടെ കുടുംബത്തിനൊപ്പം നിന്ന തനിക്ക്, ചൗധരി ലാല് സിംഗിനൊപ്പം വേദി പങ്കിടാനാവില്ലെന്നറിയിച്ചാണ് ട്വിറ്ററിലൂടെ ദീപിക രാജി പ്രഖ്യാപിച്ചത്.