118 റണ്സാണ് നേടിയതെങ്കിലും പാക്കിസ്ഥാനെതിരെ 19 റണ്സിന്റെ വിജയം നേടി സിംബാബ്വേ. ഇന്ന് പാക്കിസ്ഥാനെ 19.5 ഓവറില് 99 റണ്സിന് പുറത്താക്കിയാണ് സിംബാബ്വേ ചരിത്ര വിജയം കരസ്ഥമാക്കിയത്. 41 റണ്സ് നേടിയ ബാബര് അസം ഒഴികെ മറ്റാര്ക്കും റണ്സ് കണ്ടെത്താനാകാതെ പോയപ്പോള് സിംബാബ്വേ ചരിത്രം കുറിയ്ക്കുകയായിരുന്നു. 22 റണ്സ് നേടിയ ഡാനിഷ് അസീസ് ആണ് പാക്കിസ്ഥാന്റെ രണ്ടാമത്തെ ടോപ് സ്കോറര്.
ബാബര് പുറത്താകുമ്ബോള് 78/4 എന്ന നിലയിലായിരുന്നു പാക്കിസ്ഥാന്. 4 വിക്കറ്റ് നേടിയ ലൂക്ക് ജോംഗ്വേ ആണ് സിംബാബ്വേ ബൗളിംഗില് തിളങ്ങിയത്. റയാന് ബര്ള് 2 വിക്കറ്റ് നേടി.