തിരുവനന്തപുരം: (www.mediavisionnews.in) ലോക്ക് ഡൗണ്‍ നിര്‍ദ്ദേശങ്ങള്‍ ലംഘിച്ച്‌ പള്ലിയില്‍ നിസ്കാരം നടത്തിയ പതിനൊന്നുപേര്‍ അറസ്റ്റില്‍. പാലോട് പൊലീസ് സ്റ്റേഷന്‍ അതിര്‍ത്തിയിലെ പെരിങ്ങമല, ചിറ്റൂര്‍ ജമാ അത്ത് പള്ളിയില്‍ നിസ്കാര ചടങ്ങുകള്‍ നടത്തിയവരെയാണ് അറസ്റ്റ് ചെയ്തത്.ജമാ അത്ത് കമ്മിറ്റി പ്രസിഡന്റും സെക്രട്ടറിയും ഉള്‍പ്പടെയുള്ളവരാണ് അറസ്റ്റിലായത്.
ഇന്നലെ വൈകിട്ട് 6.45 നായിരുന്നു കൂട്ട നിസ്കാരം നടന്നത്.
പെരിങ്ങമല, തെന്നൂര്‍ സ്വദേശി കളായ ബഷീര്‍ (55 ), ഷമീം ( 39 ) , റഷീദ് ( 63 ) , അബ്ദുള്‍ റൗഫ് (23), മുഹമ്മദ് റിയാസ് (24), ഷാജഹാന്‍ (42), നസ്സിം (39) ബുഹാരി (39), സജീര്‍ (27), മൂസാകുഞ്ഞ് (65) , നിസാര്‍ മുഹമ്മദ് സുള്‍ഫി (48) എന്നിവരാണ് അറസ്റ്റിലായത്. ഇവരെ പിന്നീട് ജാമ്യത്തില്‍ വിട്ടയച്ചു. തൃശൂര്‍ ജില്ളയിലെ ചാവക്കാട്ടും വിലക്ക് ലംഘിച്ച്‌ നിസ്കാരം നടത്തിയതിന് അഞ്ചുപേര്‍ അറസ്റ്റിലായിട്ടുണ്ട്.