ഡൽഹി (www.mediavisionnews.in) :ഡൽഹിയിലെ ആപ് സർക്കാർ തെരുവിൽ സ്ഥാപിച്ച ക്യാമറകൾ ഡൽഹി പൊലീസ് തകർക്കുന്ന ദൃശ്യം പുറത്ത്. തെരുവിൽ അഴിഞ്ഞാടുന്ന അക്രമികളെ സംരക്ഷിക്കുന്ന നിലപാടാണ് പൊലീസ് സ്വീകരിക്കുന്നതെന്ന ആക്ഷേപം ശക്തമാകുന്നതിനിടെയാണ് മൊബൈൽ ഫോണിൽ പകർത്തിയ ദൃശ്യം പുറത്ത് വന്നത്. ക്യാമറ തകർക്കുന്നതിന്റെ ദൃശ്യം കാഴ്ചക്കാർ പകർത്തുന്നുണ്ടെന്ന് അറിഞ്ഞ പൊലീസുകാർ പിൻവാങ്ങുന്നതും പുറത്ത് വന്ന വീഡിയോയിൽ കാണാം.
അക്രമം തടയുന്നതിനെതിരെ പൊലീസ് ഒന്നും ചെയ്യുന്നില്ലെന്ന വിമർശനം വരികയും കോടതി വരെ പൊലീസിനെതിരെ വിമർശനം ഉന്നയിക്കുകയും ചെയ്യുന്നതിനിടെയാണ് പുതിയ ദൃശ്യങ്ങള്‍ പുറത്തായത്. ഡൽഹി പൊലീസിനെയും കേന്ദ്ര ആഭ്യന്തര വകുപ്പിനെയും പ്രതിരോധത്തിലാക്കിയിരിക്കുകയാണ് പുറത്ത് വന്ന ദൃശ്യം.