ന്യൂഡല്‍ഹി: (www.mediavisionnews.in) വടക്കു കിഴക്കന്‍ ഡല്‍ഹിയില്‍ പൗരത്വ നിയമ ഭേദഗതിയെ അനുകൂലിച്ചും പ്രതികൂലിച്ചും പ്രതിഷേധക്കാര്‍ പരസ്പരം ഏറ്റുമുട്ടുന്നതിനിടെ സിഎഎ അനുകൂല കലാപകാരികള്‍ക്ക് ആയുധ ശേഖരത്തിന് ഡല്‍ഹി പൊലീസ് സഹായം നല്‍കുന്ന വീഡിയോ വൈറലാവുന്നു.
ഡല്‍ഹി പൊലീസിന്റെ കാവലില്‍ സിഎഎ അനുകൂല കലാപകാരികള്‍ക്ക് ചാക്കില്‍ കല്ലുകള്‍ നിറക്കുന്ന വീഡിയോയാണ് പുറത്തായത്. പൊലീസ് നോക്കിനില്‍ക്കെയാണ് ബിജെപി നേതാക്കളുടെ സഹായത്താല്‍ ഡല്‍ഹിയില്‍ സിഎഎ അനുകൂലികള്‍ അക്രമം നടത്തുന്നതെന്നാണ് സിഎഎ വിരുദ്ധ സമരക്കാരുടെ ആരോപണം നിലനില്‍ക്കെയാണ് അത് വ്യക്തമാക്കുന്ന ദൃശ്യങ്ങള്‍ പുറത്തായത്. നേരെത്ത, പൊലീസിനൊപ്പം നിന്ന് സിഎഎ അനുകൂല പ്രക്ഷോഭക്കാര്‍ കല്ലെറിയുന്ന ദൃശ്യങ്ങളടക്കം നിരവധി ദൃശ്യങ്ങള്‍ പുറത്തായിരുന്നു.
पुलिस के जवान की निगरानी में दंगाई पत्थर इकट्ठा कर रहे हैं । अपने एक जवान की शहादत के बाद भी दंगाईयों की मदद कर रहा ये जवान कौन है @DelhiPolice ??
അതേസമയം. സംഘര്‍ഷത്തില്‍ പരിക്കേറ്റ സിഎഎ വിരുദ്ധ പ്രതിഷേധക്കാരെകൊണ്ട് ഡല്‍ഹി പോലീസ് ദേശീയഗാനം ചൊല്ലിക്കുന്ന വീഡിയോയും വിവാദമായിട്ടുണ്ട്. പരിക്കേറ്റ് റോഡില്‍ വീണ് കിടക്കുന്ന ആളുകളെകോണ്ടാണ് ഡല്‍ഹി പൊലീസ് ദേശീയ ഗാനം ചൊല്ലിച്ചത്. ഇതിന്റെ ദൃശ്യങ്ങള്‍ പൊലീസ് തന്നെ മൊബൈലില്‍ പകര്‍ത്തുന്നുമുണ്ട്. ഇതിനിടെ ഒരു പൊലീസുകാരന്‍ പരിക്കേറ്റൊരു യുവാവിന്റെ സ്വകാര്യ ഭാഗക്ക് ബൂട്ടിട്ട് ചവിട്ടുന്നതും ദൃശ്യങ്ങളില്‍ വ്യക്തമാണ്.
