Saturday, June 19, 2021

കേന്ദ്ര സര്‍ക്കാരിന്റെ ജനവിരുദ്ധ നയങ്ങള്‍ക്കെതിരെ മൂന്നരലക്ഷം തൊഴിലാളികളും കര്‍ഷകരും അണിനിരന്നു

Must Read

ഡെല്‍ഹി(www.mediavisionnews.in): കേന്ദ്ര സര്‍ക്കാരിന്റെ ജനവിരുദ്ധ നയങ്ങള്‍ക്കെതിരെ രാജ്യത്തെ തൊഴിലാളികളും കര്‍ഷകരും കര്‍ഷകത്തൊഴിലാളികളും ഇന്ന് പാര്‍ലമെന്റിലേക്ക് കിസാന്‍ മസ്ദൂര്‍ സംഘര്‍ഷ് റാലി നടത്തി. ഡെല്‍ഹിയിലെ രാം ലീല മൈതാനിയില്‍ നിന്ന് ആരംഭിച്ച റാലി പാര്‍ലമെന്റ് സ്ട്രീറ്റിലാണ് അവസാനിച്ചത്. ഏതാണ്ട് മൂന്നര ലക്ഷം പേര്‍ റാലിയില്‍ പങ്കെടുത്തു എന്നാണ് സംഘാടകര്‍ അവകാശപ്പെടുന്നത്. കിസാന്‍സഭയും സിഐടിയുവും കര്‍ഷകത്തൊഴിലാളി യൂണിയനും യോജിച്ചാണ് റാലി സംഘടിപ്പിച്ചത്.

ലോക്‌സഭാ തെരഞ്ഞെടുപ്പ് അടുക്കാനിരിക്കെ കേന്ദ്ര സര്‍ക്കാരിനെതിരെ പ്രതിഷേധവുമായി തൊഴിലാളി കര്‍ഷക മഹാ റാലിയാണ് ഇന്ന് ഡെല്‍ഹിയില്‍ നടന്നത്. സ്വാതന്ത്ര്യാനന്തര ചരിത്രത്തില്‍ ആദ്യമായാണ് തൊഴിലാളി കര്‍ഷ സംഘടനകള്‍ സംയുക്തമായി റാലി സംഘടിപ്പിക്കുന്നത്. കാര്‍ഷിക വായ്പ എഴുതി തള്ളുക, മിനിമം വേതനം പതിനെട്ടായിരം രൂപയായി നിശ്ചയിക്കുക, തൊഴില്‍ സുരക്ഷ ഉറപ്പാക്കുക തുടങ്ങി 15 ഇന ആവശ്യങ്ങള്‍ ഉന്നയിച്ചായിരുന്നു റാലി.

കേന്ദ്ര സര്‍ക്കാരിന്റെ സാമ്പത്തിക നയങ്ങള്‍ തിരുത്തണമെന്ന് ആവശ്യപ്പെട്ടുള്ള റാലിയില്‍ നിയമസഭാ തെരഞ്ഞെടുപ്പ് നടക്കാനിരിക്കുന്ന മധ്യപ്രദേശ്, രാജസ്ഥാന്‍, ഛത്തീസ്ഗഡ് എന്നീ സംസ്ഥാനങ്ങളിലെ തൊഴിലാളികളും കര്‍ഷകരും അണിനിരന്നു. റാലിയെ പ്രമുഖ സിപിഐഎം നേതാക്കള്‍ അഭിസംബോധന ചെയ്തു.

മീഡിയവിഷൻ ന്യൂസ് വാട്സാപ്പില്‍ ലഭിക്കാന്‍ 9895046567 എന്ന നമ്പര്‍ സേവ് ചെയ്തതിനുശേഷം നിങ്ങളുടെ പേര് ഈ നമ്പറിലേക്ക് വാട്സാപ്പ് മെസേജ് അയക്കൂ

LEAVE A REPLY

Please enter your comment!
Please enter your name here

Latest News

സമ്പൂർണ ലോക്ക് ഡൗൺ ആരംഭിച്ചു; നിയന്ത്രണങ്ങളറിയാം, തുറക്കുന്ന കടകൾ ഏതെല്ലാം?

തിരുവനന്തപുരം: കേരളത്തിൽ ഇന്നും നാളെയും സമ്പൂർണ ലോക്ക് ഡൗൺ. വ്യാഴം, വെള്ളി ദിവസങ്ങളിലെ ഇളവുകൾക്ക് ശേഷമാണ് സംസ്ഥാനത്ത് രണ്ട് ദിവസം കർശന നിയന്ത്രണങ്ങൾ നിലവിൽ വന്നത്....

More Articles Like This