റിയോ: ഡിജിറ്റല്‍ പേയ്‌മെന്റ് സംവിധാനം ഏര്‍പ്പെടുത്തി വാട്‌സാപ്പ്. നേരത്തെ 2018 ല്‍ തന്നെ ഡിജിറ്റല്‍ പേയ്‌മെന്റ് സംവിധാനം വാട്‌സാപ്പ് പരീക്ഷിച്ചിരുന്നു.
ബ്രസീലിലാണ് ഈ സംവിധാനം ആദ്യം ഏര്‍പ്പെടുത്തുന്നത്. ഇന്ത്യ കഴിഞ്ഞാല്‍ ഏറ്റവും കൂടുതല്‍ വാട്‌സാപ്പ് ഉപയോക്താക്കളുള്ള രാജ്യമാണ് ബ്രസീല്‍.
‘ആളുകളും ചെറിയ ബിസിനസ് ഗ്രൂപ്പുകളും വ്യാപകമായി അവിടെ (ബ്രസീലില്‍) വാട്‌സാപ്പ് ഉപയോഗിക്കുന്നുണ്ട്.’, വാട്‌സാപ്പ് ചീഫ് ഓപ്പറേറ്റിംഗ് ഓഫീസര്‍ മാറ്റ് ഇഡെമ പറഞ്ഞു.
ഡിജിറ്റല്‍ ഇടപാടുകള്‍ പ്രോത്സാഹിപ്പിക്കാന്‍ ഈ സംവിധാനം ഉപകരിക്കുമെന്നും അദ്ദേഹം കൂട്ടിച്ചേര്‍ത്തു. ബ്രസീലിലെ പല ചെറുകിട കമ്പനികളും ബിസിനസ് സംഭാഷണങ്ങള്‍ക്കായി വാട്‌സാപ്പ് ഉപയോഗിക്കുന്നുണ്ടെന്നും ഇഡെമ പറഞ്ഞു.