ലണ്ടന്‍: (www.mediavisionnews.in) വിമാനത്തിന്‍റെ ലാന്‍റിങ് ഗിയര്‍ കംപാര്‍ട്ട്മെന്‍റില്‍ ഒളിച്ചുകടക്കാന്‍ ശ്രമിച്ചയാള്‍ വഴിമധ്യേ മരിച്ചുവീണു. ലണ്ടനിലെ ഹിത്രു വിമാനത്താവളത്തിലാണ് സംഭവം. ലാന്‍ഡിങ്ങിനായി വീല്‍ നിവര്‍ത്തിയപ്പോള്‍ ഗിയര്‍ കംപാര്‍ട്ട്മെന്‍റില്‍ മരവിച്ച് മരിച്ച ഒരാളുടെ മൃതദേഹം താഴേക്ക് പതിക്കുകയായിരുന്നു.
ക്രാപ്ഫാമിലെ ഒഫേര്‍ട്ടന്‍ റോഡിലെ വീട്ടുമുറ്റത്തേക്കാണ് കെനിയ എയര്‍വേയ്സ് വിമാനത്തില്‍ നിന്ന് മൃതദേഹം വീണത്. മൃതദേഹം പതിച്ചത് വെയില്‍ കായന്‍ കിടന്ന മറ്റൊരാളുടെ അരികിലായിരുന്നു. ഇയാളാണ് അയല്‍ക്കാരോടും പൊലീസിനോടും വിവരം പറഞ്ഞത്. മഞ്ഞുപോലെ തണുത്തുറഞ്ഞ നിലയിലായിരുന്നു മൃതദേഹമെന്ന് ദൃക്സാക്ഷി പറയുന്നു.
ലാന്‍ഡിങ് ഗിയര്‍ കംപാര്‍ട്ട്മെന്‍റിലെ തണുപ്പ് മൂലം മരവിച്ചാണ് മരണം സംഭവിച്ചതെന്നാണ് വിവരം. മരിച്ചയാളെ തിരിച്ചറിഞ്ഞിട്ടില്ല. ലണ്ടനില്‍ എത്തിയ വിമാനത്തിന്‍റെ ലാന്‍ഡിങ് ഗിയര്‍ പരിശോധിച്ചപ്പോള്‍ കംപാര്‍ട്ട്മെന്‍റില്‍ നിന്ന് വെള്ളവും ഭക്ഷണപദാര്‍ത്ഥങ്ങളും അടങ്ങിയ ബാഗ് കണ്ടെടുത്തു. യുകെയിലേക്ക് അനധികൃതമായി കുടിയേറാന്‍ ശ്രമിച്ചതാണ് ഇയാളെന്നാണ് പ്രാഥമിക വിവരം.
മീഡിയവിഷൻ ന്യൂസ് വാട്സാപ്പില്‍ ലഭിക്കാന്‍ 9895046567 എന്ന നമ്പര്‍ സേവ് ചെയ്തതിനുശേഷം നിങ്ങളുടെ പേര് ഈ നമ്പറിലേക്ക് വാട്സാപ്പ് മെസേജ് അയക്കൂ.